Portaal:Krieket/Nuus
- Die 20 deelnemende nasionale spanne is besig met opwarmingswedstryde vir die T20I-wêreldbeker 2024; dié toernooi word van 1 tot 29 Junie in Wes-Indië en die Verenigde State beslis.
- Krieket Suid-Afrika maak die agt stadions op die kortlys vir die Krieketwêreldbeker 2027 bekend, hulle is Bolandpark in die Paarl, Buffalopark in Oos-Londen, SuperSport-park in Centurion, Kingsmead in Durban, Mangaung-ovaal in Bloemfontein, Nuweland in Kaapstad, St. Georgespark in Gqeberha en Wanderers in Johannesburg.
- Die Suid-Afrikaanse krieketkaptein en -keurder Mike Procter sterf op 77 in Durban.
- In die eindstryd van die o/19-krieketwêreldbeker in Suid-Afrika verslaan Australië Indië met 79 lopies en palm sodoende sy vierde o/19-titel in.
- Australië wen die eindwedstryd van die 13de Krieketwêreldbekertoernooi teen die gasheer Indië met ses paaltjies en palm sodoende sy sesde titel in. Nieu-Seeland en Suid-Afrika was die ander twee semi-finaliste.