Apollo (distribusiestasie)

Apollo is 'n distribusie-substasie vir elektrisiteit in die suidooste van Pretoria. Dit was ontwerp en gebou om die meeste van die krag, opgewek by Eskom se Arnot- en Hendrina-steenkoolkragstasies, te ontvang teen 400 kV en te versprei na die munisipaliteite in Gauteng teen 275 kV. Daar is drie 1000 MVA transformators by Apollo geïnstalleer om die taak te verrig. Later is 'n gelykrigter ook hier gebou wat krag (±533 kV gelykstroom) vanaf die Cahora Bassa-dam in Mosambiek ontvang, omskakel na wisselstroom en koppel aan Eskom se netwerk.

Bron

• Apollo - Cahora Bassa. Enigma and Diversions. E.F. Rayham. 2004. ISBN 0-620-32261-6.