Wikipedia:Geselshoekie

vanuit Wikipedia, die vrye ensiklopedie.

Spring na: navigasie, soek
Sien ook:
Verdere hulp:

Vir volledige hulp, riglyne en beleid (algemeen en spesifiek), raadpleeg gerus die

Geselshoekie-argiewe:

'n Argief van ouer onderwerpe is te vinde by:

Welkom by die Afrikaanse Wikipedia se algemene geselshoekie. Enigiemand is welkom om deel te neem aan die besprekings hier: teken asseblief u besprekings deur ~~~~ te tik, of die "Handtekening met datum"-ikoon (Handtekening met datum) te kies op die redigeringskieslys.

Ou besprekings word na die argiewe geskuif (sien die kieslys regs). As u 'n gesprek wat in die argiewe is wil voortsit, word dit aanbeveel om die betrokke dele uit te knip en hier te plak.

Hierdie blad is vir algemene besprekings, besprekings omtrent 'n spesifieke artikel kan op daardie artikel se besprekingsblad begin word; sodoende kan dit ook deur toekomstige bydraers en redigeerders gelees word.

Internet Relay Chat (of IRC) word gebruik om aanlyn met ander gebruikers te klets. Inligting oor die Afrikaanse kletskamer is hier beskikbaar.

>>> Voeg 'n nuwe onderwerp by <<<


Inhoud

[wysig] Herkategoriseer

Hallo almal.

Om dinge vir my makliker te maak om kategorisering verder skoon te maak het ek Sjabloon:Herkategoriseer geskep. Gebruik dit asseblief indien julle oplet dat 'n bladsy verkeerdelik gekategoriseer is. Die sjabloon kan aan die onderkant van die inhoud gevoeg word om die bladsy so min moontlik te ontsier. Dit maak dit moontlik dat ek maklik 'n lys van bladsye het om aan te werk en nie moet gaan soek vir bladsye wat op die verkeerde plakke gekategoriseer is nie. Arnobarnard (kontak) 11:13, 25 Mei 2009 (UTC)

[wysig] Formaat vir Pleknaamtitels

Hoe betitel ons nou weer die plekke? Ek kan nie onthou waar ons voorheen hierdie gesprek gehad het nie en wat die uitslag daarvan was nie, maar ek sou 'n konvensie wou hê waarvolgens ons alle dubbelsinnige plekname as volg skryf: Dorp X (Land Y). Dus stel ek die volgende verskuiwings hierby voor: Messina, Suid-Afrika -> Messina (Suid-Afrika) en Warmbad, Suid-Afrika -> Warmbad (Suid-Afrika). Tensy ons natuurlik die vorm Dorp X, Land Y bo hierdie skryfwyse kies. — Adriaan90 (Bespreking • Bydraes) 18:37, 25 Mei 2009 (UTC)

Ek stem saam - ons het dan een konvensie vir alle soorte dubbelsinnige titels, of dit nou plekname of ander items is. --Voyageur (kontak) 18:43, 25 Mei 2009 (UTC)
Elke reël het 'n uitsondering. Plekname word gewoonlik van nature as Parys, Frankryk of Parys, Suid-Afrika ens. geskryf. Buiten dit is meeste artikels reeds in hierdie formaat en lees dit ook baie makliker (die hakies lyk vreeslik lomp, dis hoekom ek oor die algemeen teen sulke kwalifiseerders is). Anrie (kontak) 19:57, 25 Mei 2009 (UTC)
So moet ek alle plekartikels na 'n titel in die formaat Dorp X, Land Y, skuif, of net die dubbelsinnige gevalle, of eers wag vir nog kommentaar (wat moontlik nie gelewer gaan word nie)? — Adriaan90 (Bespreking • Bydraes) 11:30, 26 Mei 2009 (UTC)
In my opinie (en waaroor ek nogal sterk voel) moet slegs titels vir dubbelsinnige plekname as "Dorp X, Land Y" geskryf word en die res as "Dorp X". Anrie (kontak) 11:32, 26 Mei 2009 (UTC)
Ek stem saam dat slegs dubbelsinnige plekname een of ander soort kwalifiseerder nodig het. Die komma is nogtans aan Engels ontleen, terwyl alle Europese tale die voorkeur aan hakies gee. Ek het 'n aantal Afrikaanse publikasie wat ook konsekwent hakies gebruik. Maar ek voel nie so sterk daaroor nie. --Voyageur (kontak) 11:53, 26 Mei 2009 (UTC)
Ek verkies weer die hakie-vorm redelik sterk, maar ek het nie 'n rede vir my voorkeur nie. Maar as dit is soos Voyageur sê, sou ek ook dink ons moet eerder vir die hakie-vorm gaan. — Adriaan90 (Bespreking • Bydraes) 11:59, 26 Mei 2009 (UTC)
Hakies of komma ... met hakies gebruik ons een karakter meer as stoor spasie teeenoor komma opsie :). Ek stem saam met Voyageur i.t.v. dubbelsinnigheid. Verder het ek nie sterk gevoel oor komma of hakies opsie nie. Kies een van jou kant af en kyk of iemand ernstig beswaar maak. Indien nie ... dan het jy jou antwoord. --Arnobarnard (kontak) 12:03, 26 Mei 2009 (UTC)
Ek het 'n aantal Afrikaanse publikasies wat konsekwent kommas ook gebruik en dan weer ander wat hakies gebruik. Ek weet darem nou nie of die komma regtig van Engels ontleen is nie - wie sê dit het nie selfstandig in Afrikaans ontwikkel nie? Dit verg immers nie vreeslik baie inspanning om met die idee van 'n komma as 'n manier van skeiding vorendag te kom nie (of miskien is die die invloed van die destydse handelsroetes). En selfs al is dit van Engels ontleen, so what? Dit maak dit nie minder Afrikaans nie - daar is baie dinge wat ons van Engels gekry het (en wat Engels in elk geval weer van ander Germaanse tale verkry het het) wat nie minder Afrikaans is as dit wat van Frans, Maleis, Portugees, Nederlands of Duits kom nie. Die komma word in elk geval nie uitsluitlik in Engels gebruik nie - hulle gebruik ook dikwels hakies - maar dit moet tog regtig nie 'n oorwegingsfaktor hier wees nie, net soos ons ons ook nie moet steur aan wat Europese tale gebruik nie. Bloot: wat is Afrikaans en wat is die beste ten opsigte van uitleg en gebruikersvriendelikheid. Anrie (kontak) 12:59, 26 Mei 2009 (UTC)

Ek gaan môre begin om artikels wat se titels in die formaat Dorp X, Land Y is na of (a) Dorp X verskuif indien geen dubbelsinnigheid bestaan nie, of na (b) Dorp X, Land Y indien dubbelsinnigheid wel bestaan. Ek moet egter vanaand vir Rekeningkunde leer waaroor ek môre eksamen skryf. Ek dink ons nou 'n tipe van blits-konsensus bereik? Dit lyk my die meerderheid voel nie baie sterk oor die saak nie, maar daar is 'n effense gevoel ten gunste van die gebruik van kommas? — Adriaan90 (Bespreking • Bydraes) 17:30, 26 Mei 2009 (UTC)

Ek verstaan net nie lekker wat daar dan is om te skuif nie: jy laat dit klink of dit 'n hoop werk gaan wees. Anrie (kontak) 18:05, 26 Mei 2009 (UTC)
Verder sal ek ook wil weet hoe om die volgende gevalle te hanteer: Sal ons by alle dorpe in bv. die VSA die staat waarin hulle lê, aandui, bv. Stowe (Vermont) -> Stowe, VSA of -> Stowe, Vermont of -> Stowe of -> Stowe, Vermont, VSA, of -> Stowe (Vermont), VSA, en Potsdam (Oos-Kaap) -> ? en so ook Buffalo (New York). Daarbenewens moet ons ook besluit of ons immer VSA of immer Verenigde State van Amerika agteraan dubbelsinnige titels gaan voeg. Ek dink ons kan hierdie vrae nou bietjie bespreek. — Adriaan90 (Bespreking • Bydraes) 18:19, 26 Mei 2009 (UTC)
Titels soos "Potsdam, Oos-Kaap" en "Stowe, Vermont" sal myns insiens die beste opsie wees. Perth in Wes-Australië bly Perth, maar ons kan later artikels soos Perth, Skotland saam met 'n dubbelsinnigheidsbladsy vir minder bekende stede met dieselfde naam skep. --Voyageur (kontak) 18:28, 26 Mei 2009 (UTC)
Sorry to butt in like this, but I agree with Dorp/Stad X, Land/Provinsie Y, rather than Dorp X (Land Y), but I think some cities like Parys, Londen and many towns with no other Foreign place names (for example Coos Bay, is the only one of it's kind in the world, so therefore I kept it at it's corrent location). --Bezuidenhout (kontak) 21:19, 26 Mei 2009 (UTC)
I must also add, that Dorp X, Land Y is more convienient if a location has to have two names, for example, there are many towns in West Africa, were there are duplicates of the name, and sometimes, in American, there is two towns under the same name in the same county (very rare though), and this could be hard to distinguish when in it's title.--Bezuidenhout (kontak) 09:11, 27 Mei 2009 (UTC)

[wysig] wikEd vertaal

Hallo almal,

Ek het wikEd vertaal. Die inligting is soos voorskrif in my gebruikerblad vir sekuriteitsdoeleindes (javascript). Ek is nie 'n taalkundige nie so die vertaling mag dalk verbetering benodig. Administrateurs kan dit direk wysig, enige ander persoon kan voorstelle oor die terme op my besprekingsblad doen. Om die Afrikaanse weergawe in Afrikaanse wiki te gebruik voeg die volgende kode in jou vel (en:skin) opsies blad. bv. Gebruiker:JouGebruikernaam/monobook.js (of die vel (skin) wat jy verkies).

// install the (Language) translation for [[:en:User:Cacycle/wikEd]]
document.write('<script type="text/javascript" src="'
+ 'http://af.wikipedia.org/w/index.php?title=Gebruiker:Arnobarnard/wikEd_international_af.js'
+ '&action=raw&ctype=text/javascript"></script>');

Jy moet natuurlik ook die regte hê om wikEd te gebruik en dit aktiveer onder jou gebruiker opsies. Onthou om jou webblaaier se geheue te verfris na die veranderinge.

--Arnobarnard (kontak) 15:34, 26 Mei 2009 (UTC)

[wysig] Nuwe wikiprojek vir musikale kunstenaars

Ek het 'n voormalige projekbladsy by Wikipedia:Musikale kunstenaars geskep waar riglyne uiteen gesit word m.b.t. die skryf van artikels oor musikale kunstenaars. Wanneer ek nie stry oor die titels van artikels en sjablone nie, gaan ek probeer om hierdie projekbladsy op te dateer om sodoende 'n eenvormige stel artikels oor musikante en musiekgroepe te kry. Die huidige riglyne wat daar staan is volgens hoe die meeste artikels tans geskryf staan, maar alles is natuurlik oop vir bespreking. Ek het bv. die manier hoe ons die oorsprong van 'n musiekgroep skryf, as Dorp X, Provinsie Y (Land Z) vasgestel, aangesien dit is hoe ek die meeste kunstenaars se oorspronge aangedui het. Dit is natuurlik teenstrydig met die formaat vir die artikeltitels oor dubbelsinnige plekname, so as iemand beswaar het, kan ons dit bespreek en sal ek dit op my om-te-doen-lysie voeg om die formaat in al die artikels te wysig. Wel, ek hoop hierdie dra by tot die verbetering van die algehele Wikipedia-projek, lekker naweek vir almal verder. — Adriaan90 (Bespreking • Bydraes) 12:28, 30 Mei 2009 (UTC)

[wysig] SEACOM

Hi julle

Ek het laas Vrydag 'n atikel begin oor die onderwater kabel aan die oos kus van Afrika wat een van die in diens gestel word. Ek het sedetdien twee beelde(kkarte) gekry oor die projek wat Seacom bevestig ek kan gebruik en ander persone ook kan gebruik. Hoe moet die lisense dinge op Wikecommoms genoem word?

Adriaan was vinnig om die artikel te proeflees! Adriaan siende dat jy so vinnig is; die verwysings na bandwydte bv. Tbis/s op al my artikels is almal dieselde formaat nie. Wat is die tegnies korrekte formaat?

Anrie: sien Bespreking:Ligbreking asb.

Groete

--Oesjaar (kontak) 08:55, 1 Junie 2009 (UTC)

Haai, Oesjaar. Sien gerus Wikipedia:Beeldbronne, veral die inligting onder "in 'n neutedop". As die Ingelse mense is, dan voeg ek gewoonlik die teks wat by Commons:Commons:Email_templates te kry is onder aan my e-pos, dan stuur hulle die ingevulde een terug en jy forward dit dan vir permissions-commons-at-wikimedia.org. Sien Commons:Commons:OTRS vir wat jy dan by die beeld moet voeg. Dit kan ingewikkeld lyk, so as jy sukkel, sê net, dan help ons waar ons kan.
Ek sal so gou as moontlik by die ligbrekingbespreking gaan loer. Anrie (kontak) 09:28, 1 Junie 2009 (UTC)
Hallo Oesjaar. Alhoewel Tbis/s 'n algemene aanduiding van spoed per sekonde is, glo ek nie dis korrek nie. In die wetenskappe gebruik ons die vorm eenheid·eenheid-1 bv., net soos ons 'n eksponent by m2 of by m·s-1 moet gebruik. Dit mag dalk wees dat die konvensie in die verlede was om die voorwaartse slash te gebruik, maar al my skoolhandboeke gebruik die eksponentvorm. Dit mag egter 'n wisselvorm wees wat beide aanvaarbaar is, en dan is dit geen probleem. Die eksponent-vorm is egter die enigste manier hoe ek dit ken, en deur vry te voel en my gang te gaan, het ek moontlike tegniese inkorreksies gekorrigeer. Verskoon my as ek fouteer het. Groete — Adriaan90 (Bespreking • Bydraes) 10:30, 1 Junie 2009 (UTC)
Adriaan
Ek is self glad nie seker oor die korrekte taalkundige dus hoekom ek vra. In my beroep luister ons net na die waarde en wanneer persone van bv Swede, Engeland, Frankryk besigheid praat waai die korrektheid by die venster uit en die waardes is al wat belangrik is! Ek leer maar by julle oor gramitikale (bestaan daar so 'n woord?) korrektheid! Groete! --Oesjaar (kontak) 12:01, 1 Junie 2009 (UTC)
Dit moet 'n nuwe manier wees van spoed aandui, Adriaan, ek ken dit ook maar slegs as x/s (ook destyds so in wetenskap en elektronika gebruik). Anrie (kontak) 12:13, 1 Junie 2009 (UTC)

[wysig] Fiela se kind

Ek is in graad 11, en het hulp nodig met die opsomming van die boek en moontlike eksamen vrae, my email adres gayevdmerwe.magog-at-gmail.com, enige hulp sal waardeur wordGaye (kontak) 10:29, 2 Junie 2009 (UTC)

Hallo Gaye, ek sou jou graag wou help, maar ongelukkig het ek al my gr. 10-notas weggegooi! Ek sal by my vriende uitvind of hulle nog daarvan het. Ek neem aan dis vir die eksamen? Hoe dringend is dit? Groete — Adriaan90 (Bespreking • Bydraes) 12:03, 2 Junie 2009 (UTC)

[wysig] Waterstof uitgelig

Ek het gedink waterstof is 1H (met isotope 11H en 21H=D) en nie H1 nie. Regsbo is gereserveer vir die lading van die ioon. Jcwf (kontak) 20:16, 3 Junie 2009 (UTC)

Verwys jy na die beeld? Ek dink dis dalk 'n stylfout - die één links bo is waar die illustrateur die atoomgetal aangedui het. As dit is soos jy sê, het die illustrateur seker nie in ag geneem dat die syfer op daardie plek met die lading verwar kon word nie. Soos ek dit ken, moet ladings egter in elk geval 'n + of - teken bevat, so ek dink nie die één (1) alleen kan regtig as 'n lading geïnterpreteer word nie. Groete — Adriaan90 (Bespreking • Bydraes) 21:42, 3 Junie 2009 (UTC)

[wysig] Sjabloon:Argiefboks

Ek het hierdie sjabloon 'n tydjie terug (9 Junie 2007) geskep en op my besprekingsbladsy en op Bespreking:Tuisblad gebruik. Ek het dit vanaf die Engelse Wikipedia gekopieer. Nou (gister en vanoggend) het ek dit volgens die Duitse weergawe daarvan, wat 'n soek-knoppie insluit, aangepas. Ek het ook bietjie sjablooninfo bygevoeg wat hopelik gebruikers kan help om hierdie sjabloon te gebruik. Dit is eintlik nie so moeilik nie. Enige voorstelle is welkom en ek hoop die sjabloon help om die projek netjies te hou en argiewe georganiseerd. Groete — Adriaan90 (Bespreking • Bydraes) 22:24, 4 Junie 2009 (UTC)

[wysig] Portale, nut of onding?

Ons gebruik nie portale hier nie - 'n goeie ding in my opinie. Ek verwag dat Wordscape moontlik portale gaan wil skep en ek dink ons moet dit vooraf bespreek.

Ek het nou bietjie gaan rondkyk en die portale van verskillende wikipedias vergelyk.

Die portaal vir biologie, byvoorbeeld, bevat die volgende onderdele:

  1. inleding van wat biologie is;
  2. 'n uitgeligte artikel;
    1. 'n uitgeligte biografie
    2. 'n uitgeligte prentjie
  3. die artikels in die Wikipedia wat tot die vak Biologie hoort;
    1. die voorbladartikels wat tot die vak Biologie hoort;
    2. nuwe artikels wat tot die vak Biologie hoort
  4. 'n nuusafdeling wat aktuele artikels uitlig
  5. take wat verrig kan word
  6. verwante Wikiprojekte
  7. verwante portale

Hier is egter niks wat nie volledig deur 'n kategorie of 'n Wikiprojekbladsy gedek kan word nie. Kategorieë het baie potensiaal wat by baie plekke nie volledig benut word nie. Uit die bogenoemde punte kan byna alles by 'n kategoriebladsy bygevoeg word, alhoewel dit in my opinie bietjie overkill sou wees, by beide 'n portaal en 'n kategorieblad. Verder kan die "take" wat in die vakgebied verrig moet word, maklik in 'n Wikiprojekbladsy saamgevat word, soos byvoorbeeld Wikipedia:Wikiprojek Musikale kunstenaars of Wikipedia:Wikiprojek Anatomie. Die kategorie kan dan 'n skakel na die Wikiprojek bevat.

Ek dink ook dat ons enige iets wat konstante opdatering/instandhouding gaan verg moet vermy. Een van die pluspunte van 'n kategorie is dat dit redelik min instandhouding verg. Indien 'n artikel herkategoriseer word (ek het byvoorbeeld onlangs Kuiper-gordel van Kategorie:Sterrekunde na Kategorie:Sonnestelsel geskuif), gebeur die herkategorisering op die kategoriebladsye outomaties, waar mens by 'n portaal die skakels met die hand sou moes verwyder en byvoeg. Ek spandeer reeds meer tyd aan administrasie as wat ek sou wou (ten koste van tyd wat aan inhoud spandeer kon word) en indien daar elke week 'n nuwe beeld, artikel en wat alles dan nou nog vir elke portaal uitgelik moes word - ons het bloot nie die nodige mannekrag op die oomblik nie.(Dan was daar ook reeds 'n geval of twee waar iemand verantwoordelikheid vir iets geneem het en dan bloot daarmee gestop het, sonder enige kennisgewing.)

Dit sou egter nie baie moeite neem om die voorbladartikels in elke kategorie uit te lig nie en die instandhouding daarvan sou werklik so min wees dat mens dit nie moeite sal kan noem nie. Goeters soos "nuwe artikels wat to die vak Biologie hoort" en " 'n nuusafdeling wat aktuele artikels uitlig" is myns insien oorbodig op die oomblik. Anrie (kontak) 11:07, 16 Junie 2009 (UTC)

Jip ek stem saam. Ek het aanvanklik geen voorkeur of afkeur vir die idee van portale gehad nie, maar soos jy dit daar stel, glo ek wel dat ons alle verwante inligting in die betrokke kategorie kan sit. Ek gaan die musikale kategorie-e as 'n proef gebruik om te sien hoe hierdie idee verloop. Indien dit goed werk, dink ek sal 'n portaal vir musiek (bv.) erg oorbodig wees en in elk geval te veel werk skep. Groete — Adriaan90 (Bespreking • Bydraes) 11:37, 16 Junie 2009 (UTC)
Gebruikers mag net soos in ander projekte steeds hul eie portale of projekte begin mits hulle bereid is om die projek/portaal te koördineer. Ek stel tans self belang daarin om hierdie taak vir die Duitse Litaue-portaal te verrig soos wat my vrye tyd toelaat. Administrateurs moet asseblief net seker maak dat die oprigting van portale op die Afrikaanse Wikipedia tegnies moontlik is, of hulp by ander projekte aanvra. --Voyageur (kontak) 12:07, 16 Junie 2009 (UTC)
Ek verstaan nie mooi wat jy van plan is nie, Voyageur. Miskien kan jy jou voornemens bietjie meer beskryf? Anrie (kontak) 12:21, 16 Junie 2009 (UTC)
Ek bedoel net dat gebruikers wat graag 'n portaal wil oprig ook die geleentheid moet kry om só 'n bladsy te skep - dit is ook die beleid van ander Wikipedia-projekte. Die betrokke gebruiker(s) is dan self verantwoordelik vir die administratiewe werk wat daaraan verbonde is. --Voyageur (kontak) 13:00, 16 Junie 2009 (UTC)
Stem saam dat die vryheid moet bestaan om sodanige portale te skep indien mense dit nodig sou vind. --RAM (kontak) 16:07, 18 Junie 2009 (UTC)
Bloot omdat ander Wikipedias iets doen beteken geensins dat ons dit ook moet toelaat nie. Wat ek probeer wys is dat dit geensins 'n beperking is om nie portale te gebruik nie. As jy 'n projek wil stig oor Litaue is jy meer as welkom om dit by Wikipedia:Wikiprojek Litaue te doen. As jy eerder die klem wil lê op bestaande inhoud, is jy meer as welkom op Kategorie:Litaue op te tooi. Ek het nou so vinnig aan Kategorie:Sterrekunde gepeuter: dit kan beter en meer uitgebreid, maar ek het nie regtig tyd of lus om nou 'n prentjie van die week of wat dan ook te gaan byvoeg nie - maar dit kan, as ek wou. Anrie (kontak) 14:07, 16 Junie 2009 (UTC)
Na my mening is portale 'n Wikipedia innovasie wat soos ander innovasies (voorbladartikels, projekte, ens) ook 'n plek het op die Afrikaanse wikipedia. Die argumente teen portale hierbo kan saamgevat word as besware dat portale moeilik onderhoubaar is en dus te veel moeite vir 'n betreklik klein gemeenskap gaan wees om gehalte te handhaaf, en tweedens dat daar ander bestaande meganismes is wat die werk van portale doen. Om die tweede argument te ondersoek is dit nuttige om te onderskei tussen die drie meganismes wat bepreek word:
  • Kategorieë is 'n organiseringsmeganisme wat 'n mens help om volgens onderwerp deur artikels te blaai.
  • Projekte behels versamelings bladsye toegewy tot die bestuur van 'n spesifieke onderwerp of versameling verwante onderwerpe op Wikipedia waar groepe bydraers saam werk aan die ensiklopedie. Dit is dus 'n hulpbron wat koördinasie en organisering van die skryf en redigeer van artikels binne die projek se bestek ondersteun.
  • Portale dien as "Voorblaaie" vir spesifieke onderwerpe of gebiede. Portale kan geassosieer word met een of meer Wikiprojekte; ander as WikiProjekte, is dit egter gerig op beide lesers en bydraers en behoort dit skep en verspreiding van inhoud aan te moedig.
Op die engelse wikipedia word die verskil mooi geïllustreer deur die hoofkategorie, projek en portaal vir Skotland:
Die drie verskynsels dien verskillende doele en leef mooi saam. Dit is wel waar dat ons minder mannekrag hier het en dat ons moet waak teen die aanpak van goed wat ons nie kan byhou nie. Dit moet ons egter nie daarvan weerhou om innovasies wat ons wikipedia kan beter maak aan te neem nie. 'n Portaal oor die regte onderwerp kan dalk net die regte lesers lok. Kyk byvoorbeeld hoe mooi lyk en:Portal:Solar_system.
laurens (kontak) 08:56, 20 Junie 2009 (UTC)

Na aanleiding van hierdie kommentaar is ek oortuig dat ons wel die portale kan aanpak. Ek sal nie nou binnekort by een kan bydra nie, maar ek dink tog ons moet die mense wat lus het, toelaat om 'n portaal te skep/bedryf. Ek dink nie dit kan veel kwaad doen nie, en soos Laurens sê, dit moedig betrokkenheid by beide lesers en skrywers aan. Groete — Adriaan90 (Bespreking • Bydraes) 14:11, 20 Junie 2009 (UTC)

'n Vinnige stem teen portale, waarskynlik vir min of meer die redes wat Anrie noem. Ek is vir 'n geruime ruk nie meer baie betrokke hier nie, en dit lyk of die voorblad darem genoeg aandag kry om dit volhoubaar te maak op die huidige peil. 'n Moontlike probleem met portale is dat dit inkonsekwent kan raak indien sommige areas in die ensiklopedie 'n portaal het, terwyl ander 'n "portaalkategorie" het. Ek sou sê, kom ons bry kategoriebladsye uit om as portale te dien totdat dit glad nie meer anders kan nie. --Alias (kontak) 08:16, 29 Junie 2009 (UTC)

[wysig] Alfabetiese naamlys

Moet name volgens voornaam of van gelys word? Moet Fernando Alonso onder A of F kom? (Jammer as dit reeds bespreek was, maar ek kon dit nie kry nie)

Bedoel jy met die kategorisering? Of wil jy 'n alfabetiese lys van renjaers skep? Indien laasgenoemde, kan jy dit skep soos jy wil, alhoewel volgens van miskien algemener is. Anrie (kontak) 18:59, 17 Junie 2009 (UTC)
Hier is 'n geval waar die eerste letter gebruik word:Lys_van_botaniste_volgens_outeurs_afkorting en een volgens van Lys_van_Suid-Afrikaanse_musikale_kunstenaars. So dit hang af van die tipe lys hoe dit gebruik word. Byeboer (kontak) 20:59, 17 Junie 2009 (UTC)
Vir my sou die alfabetiese sortering volgens van die meeste sin maak. Groete — Adriaan90 (Bespreking • Bydraes) 21:21, 17 Junie 2009 (UTC)
Ek het bedoel met kategorisering en spesifiek 'n katagorie wat persoon name bevat. Ek sien oral dat van die items volgens naam gekategoriseer is en in dieselfde kategorie items wat volgens van gekategoriseer is. Ek stem saam met Adriaan90 en sal dit van nou af volgens van rangskik. Dankie

[wysig] Dwelms

Ek is 'n besorgde ouer. My 14 jarige dogter gebruik dwelms as 'n mens dit so kan noem. Sien sy wat lyf sproei, doom , meubel politoer en spuit dit in 'n handoek en dan snuif sy dit om hoog te raak. Sy het daarmee op gehou vir 'n jaar maar nou het sy weer begin. Sy gaan vir berading.

Ek wil ouers net graag inlig oor dit wat dalk onskuldig lyk maar is nie en glo my ek weet van een geval dat ;n kind dood.

Ek wil so graag weet hoekom kinders dit doen en my dogter kan nie vir my s—Die voorafgaande anonieme kommentaar is deur 196.35.167.10 gelewer (Bespreking • Bydraes) .

Google se top skakel verwys hier. Begin daarby en ek stel voor jy kontak 'n ondersteuningsgroep of goeie kindersielkundige ook. Arnobarnard (kontak) 13:24, 25 Junie 2009 (UTC)

[wysig] Campora San Giovanni

from en:Campora San Giovanni, es:Campora San Giovanni or it:Campora San Giovanni--Lodewijk Vadacchino (kontak) 19:11, 23 Junie 2009 (UTC)

[wysig] AWS uitgawe 10

Die AWS uitgawe 10 het gister verskyn. Dit is 'n "omvattend herbewerkte uitgawe". Behalwe dat hulle steeds alternatiewe spellings toelaat soos "Siprus" of "Ciprus" het die woordelys aansienlik uitgebrei. Daar is 'n nuwe lys met plekname, wat die pleknaam, die naam van die bewoner en die byvoeglike naamwoord bevat. Jammer Voyageur, maar Montreal is nou definitief sonder gravisteken in Afrikaans. Groete hansjoseph (kontak) 11:08, 25 Junie 2009 (UTC)

Geen probleem. Nadat ek my aktiwiteite na Litaue verskuif het, kan ek julle met 'n groot verskeidenheid ander tekens teister (wat van Panevėžys of Žirmūnų tiltas...?) :) --Voyageur (kontak) 12:02, 25 Junie 2009 (UTC)
Ek gaan hom vandag bestel - my weergawe dateer uit die sestigerjare. Hopelik is dit die prys werd. Anrie (kontak) 11:16, 25 Junie 2009 (UTC)
Mag ek vra (ek weet nie veel van die verskillende taalboeke af nie), is daar enige taalriglynvrystelling wat ons bo 'n ander verkies? Indien verskille tussen bv. 'n spelwyse van dieselfde woord in die HAT met die weergawe in die AWS verskil, sal ons die een weergawe bo die ander verkies (bv.)? Groete — Adriaan90 (Bespreking • Bydraes) 11:26, 25 Junie 2009 (UTC)
Die AWS word bo ander verkies: dit word naamlik deur die Taalkomissie saamgestel, wat amptelik aangestel is om die taal te reguleer en te standaardiseer. Daarna die HAT en WAT. Anrie (kontak) 12:42, 25 Junie 2009 (UTC)
Gelukkig/ongelukkig gee die AWS nie altyd al die leiding wat mens dalk sal wil hê nie. Sommige wisselvorme word byvoorbeeld aanvaar in die AWS, terwyl ons dalk eerder op een vorm sal wil besluit. Só bv. het ons al 'n hele ruk gelede besluit om eerder Sjina te skryf as die alternatief. Die WAT is 'n beskrywende woordeboek, en die eerste dele daarvan is nou al dekades oud. Dit behoort nie normaalweg gebruik te word vir leiding wat spelling betref nie. Dit beskryf ook registers en streekstaal waarvan ons dalk weens die aard van ons projek van gaan wegbly. Ek glo dat die HAT telkens opgedateer word om tred te hou met veranderinge in die AWS, alhoewel dit nou natuurlik weer 'n rukkie sal neem vir 'n nuwe HAT ná die nuwe AWS. Die spelreëls verander egter nie op merkwaardige maniere tussen die uitgawes nie, maar die feit dat hulle self veranderinge wil aanbring behoort ons 'n aanduiding te gee dat die AWS nie noodwendig in alle opsigte die laaste woord sal hê nie (alhoewel dit sekerlik in meeste gevalle heeltemal onomstrede sal wees om dit eenvoudig as sodanig te aanvaar). --Alias (kontak) 15:39, 29 Junie 2009 (UTC)
Die HAT is al donkiejare oud. Die nuutste woordeboek wat omvattend bygewerk is, is Pharos se Afrikaans-Angelse-Engels-Afrikaanse woordeboek (so 'n ou groot, swaar swart een), wat die ou Tweetalige Woordeboek van Bosman, Hiemstra en Van der Merwe vervang het. Daar is heelwat foute in, maar myns insiens is dit die enigste woordeboek wat min of meer die AWS (die een voor 2009) se riglyne volg. Winston (kontak) 20:07, 30 Junie 2009 (UTC)
HAT is oud maar soos deur Alias uigewys word dit voordurend bygewerk en die nuwer weergawes is heel op datum. AWS het die voordeel dat dit benewens die woordelys beginsels oor die Afrikaanse spelwyse spesifiseer. Die probleem met wisselvorme word mooi hanteer in ons Titelriglyne se beginsels waar een van die beginsels is "Waar meer as een aanvaarbare Afrikaanse alternatief bestaan word voorkeur aan die meer-Afrikaanse vorm gegee - dus Sjina eerder as China." laurens (kontak) 17:21, 2 Julie 2009 (UTC)

[wysig] Standaard vir inligting oor individuele voëlspesies

Ek het begin werk aan artikels oor individuele Suid-Afrikaanse voëlspesies. Is daar reeds (of behoort daar een te wees?) 'n standaard inligtingslys oor die verskillende voëlspesies? Maw dat ons in elke artikel dieselfde inligting in dieselfde volgorde plaas: Bv Identifikasie, Geografiese verspreiding, Voortplanting ... ens. Ek het oor die Sekretarisvoël reeds 'n artikel geskryf, maar daar is darem te veel om deur te werk om agter te kom of daar so 'n "sjabloon" is. Ek wil aan ander spesies ook werk, maar wil graag weet wat standaardgebruik is (behoorte te wees) voordat ek verder gaan. Laat weet wat julle ander Wikipediane dink.--Arnwalt (kontak) 06:31, 26 Junie 2009 (UTC)

Nie regtig nie, maar ek het nou al 'n paar artikels geskep en pobeer by die volgende indeling hou, wat myns insiens redelik logies is.
  • Inleiding
  • Identifikasie
  • Habitat en verspreiding (soms ruil ek identifikasie en habitat om)
  • Dieet
  • Gewoontes/Gedrag (soms ruil ek dieet en gedrag om)
  • Voortplanting (geboorteskenking, moontlike lewensduur)
  • Bedreigings / Voordele/nadele vir die mens
Daar is natuurlik nie altyd inligtings vir al hierdie afdelings beskikbaar nie. Ek neem aan dat jy goeie bronne beskikbaar het, maar as jy op soek is na 'n Internetbron of twee vir vergelyking, dan kan Animal Diversity Web en Avibase (vir taksonomiese inligting, sinonieme en name in ander tale) aanbeveel.
Ek wil graag noem dat mens nie altyd 'n opskrif bo-aan elke afdeling moet plaas nie. Seker nie as die afdeling maar 'n sin of twee lank is nie (soos byvoorbeeld Silwerjakkals). Wanneer een of twee afdelings natuurlik redelik lank word, dan is opskrifte nodig om ook die leesbaarheid te vergemaklik (byvoorbeeld Swartswaan). Anrie (kontak) 07:20, 26 Junie 2009 (UTC)
Dankie, Anrie - ek gaan van jou idees en myne inkorporeer en dit maar as raamwerk vir my artikels gebruik - en soos wat mens bestaande artikels aanvul en versorg dit dalk maar na 'n "standaardraamwerk" oorskuif. Ek leer maar nog en nog nie gekonfyt om 'n sjabloon te skep nie. Dalk probeer ek dit doen as 'n volgende ietsie om baas te raak.Arnwalt (kontak) 07:59, 26 Junie 2009 (UTC)

[wysig] CC-BY-SA

Sommige van julle het miskien al opgemerk dat Wikipedia nou dubbeld gelisensieer word, ook onder Creative Commons se erkenning-ingelyks deel 3.0. Met die verandering wil ek gebruikers (myself ingesluit) asb. vermaan om tog die URL van 'n artikel in die wysigingsopsomming te voeg wanneer julle bronteks vir kopiëring vertaal. Dit word deur die lisensie vereis en is minder as min moeite. Anrie (kontak) 16:32, 30 Junie 2009 (UTC)

Ontsluit van "http://af.wikipedia.org/wiki/Wikipedia:Geselshoekie"
Persoonlike gereedskap
Ander tale