Tuisblad

vanuit Wikipedia, die vrye ensiklopedie.

Spring na: navigasie, soek

Welkom by Wikipedia, die vrye ensiklopedie wat deur enigeen gewysig kan word.	Saterdag, 4 Februarie 2012 Hier is tans 21 113 artikels in Afrikaans.
Help ons om 'n wêreldklas Afrikaanse ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel 'n vraag

Voorbladartikel

Ignaz Philipp Semmelweis (ook soms geskryf as Ignác Fülöp Semmelweis, 1 Julie 1818 - 13 Augustus 1865) was 'n Hongaarse fisikus wat bekend is as 'n pionier van antiseptiese prosedures. Hy is beskryf as die "redder van moeders" nadat hy ontdek het dat die voorkoms van kraamkoors drasties verminder kan word deur die hande te ontsmet in verloskundige klinieke. Kraamkoors was algemeen in hospitale in die middel 19de-eeu en dikwels dodelik met 'n mortaliteitspersentasie van 10-35. Semmelweis het die teorie van handewas met gechloreerde kalkoplossings voorgeskryf in 1847 terwyl hy in die Wene Algemene Hospitaal se Eerste Verloskundige Kliniek gewerk het waar dokters se afdeling drie keer die mortaliteit van vroedvroue gehad het. Hy het die boek Etiologie, Konsep en Voorkoming van Kraamkoors uitgegee met sy bevindinge daarin.

Ten spyte van verskeie uitgawes van resultate waar handwassery mortaliteit tot onder 1% verminder het, het Semmelweis se waarnemings gebots met die bestaande wetenskaplike en mediese opinies van die tyd en sy idees is deur die mediese gemeenskap verwerp. Party dokters het aanstoot geneem deur die suggestie dat hulle hulle hande moet was en Semmelweis kon geen aanvaarbare wetenskaplike verklaring vir sy bevindinge verskaf nie. Semmelweis se praktyk het eers jare na sy afsterwe wydverspreide aanvaarding verkry toe Louis Pasteur die kiemteorie bevestig het. In 1865 is Semmelweis opgeneem in 'n psigiatriese hospitaal, waar hy in die ouderdom van 47 aan bloedvergiftiging oorlede is.

...lees verder

In die nuus

Die bekroonde Poolse digteres en wenner van die Nobelprys vir Letterkunde in 1996 Wisława Szymborska sterf op die ouderdom van 88 jaar.
'n Siberiese kouefront tref groot dele van Europa en laat temperature in Oos-Europa tot -30 °C daal.
Kiesers in Letland word op 18 Februarie in 'n omstrede referendum oor die invoering van Russies as tweede ampstaal geraadpleeg.
Die bevolking van Kroasië stem in 'n referendum vir die toetreding tot die Europese Unie op 1 Julie 2013.
Die Eerste Minister van Skotland, die nasionaliste Alex Salmond, en die Eerste Minister van die Verenigde Koninkryk, die konserwatiewe David Cameron, begin onderhandelings oor 'n onafhanklikheidsreferendum van die land in herfs 2014.
Johnny Otis, die Amerikaanse Godfather of Rhythm and Blues, sterf op die ouderdom van 90.

Het u geweet...

... dat Suid-Afrika die VSA gehelp het met intelligensie as deel van ECHELON? By die Silwermyn Natuurreservaat is antennas wat sedert die 1970's vir spioenasie gebruik is.

... dat Frans deur honderde duisende mense as huistaal gepraat word in die VSA? Alhoewel miljoene Amerikaners van Franse herkoms is, het Engels Frans hoofsaaklik verdring en kan slegs 'n klein deel van die Franse nasate nog Frans praat.

Vandag in die geskiedenis

4 Februarie: Onafhanklikheidsdag in Sri Lanka (1948)

1794 - Tydens die Franse Revolusie word slawerny in Frankryk en al sy kolonies afgeskaf.
1859 - Constantin von Tischendorf ontdek die Kodeks Sinaiticus, 'n 4de eeuse manuskrip van die Nuwe Testament, in 'n klooster by die voet van die Sinaigebergte in Egipte.
1936 - Radium E. word die eerste radioaktiewe chemiese element om op sintetiese wyse vervaardig te word.
1961 - Die chemiese element Lawrensium word by die Berkeley Stralingslaboratorium in die Kalifornië in die VSA ontdek