Diamo Waterval
Die Diamo Waterval is 'n informele naam vir die "Chutes de Gouina" (Frans) in die Sénégalrivier in Mali. Hierdie watervalle word deur die Ekspat gemeenskap die Diamo Waterval genoem as gevolg van die nabygeleë Maliese dorpie Diamo.
Inhoud |
Ligging [wysig]
Die Diamo waterval is ongeveer 70 km noord-oos van die myndorpie Sadiola in die ver westelike gedeelte van Mali. Dit word gevind in die Senegal Rivier, tientalle km stroomop van die voormalige Maliese hoofstad Kayes.
Beskrywing [wysig]
Die Diamo Waterval is 'n indrukwekkende waterval, tussen 500 en 800m wyd (afhangende van die seisoen), en tussen 5 en 8 meter hoog. Aan die bokant van die waterval word groot maalgate gevind (sommige 2m x 2m wyd, en tot 2m diep). Hierdie maalgate kan slegs in droë seisoen gesien word, wanneer die watervlakke laag is. In die nat seisoen (Mei tot Julie) is hierdie gedeeltes onder water.
Toegang [wysig]
Toegang tot hierdie waterval is slegs moontlik met 'n viertrek voertuig as gevolg van die swak tot feitlik nie-bestaande paaie. Dit neem ongeveer 2 uur om die sowat 70km vanaf Sadiola Myndorp af te lê, ten spyte van 'n groot gedeelte van die pad wat deur “SEMOS” onderhou word. Tydens die nat seisoen is hierdie waterval bykans onbereikbaar, as gevolg van die toestand van die pad, en die talle seisoenale strome wat deurkruis moet word.
Natuurlewe [wysig]
Ten spyte van die afgeleë aard van hierdie omgewing, is daar bitter min natuurlewe oor. Diere wat egter wel nog aangetref word, is Seekoeie, Bobbejane, Luiperds en Vlakvarke. Tiervis word in die riviere aangetref, maar is relatief skaars as gevolg van oorbenutting.
