Oliver Tambo-huis

in Wikipedia, die vrye ensiklopedie
(Aangestuur vanaf Overvaal)
Spring na: navigasie, soek

Oliver Tambo-huis is die ampswoning van die adjunk-president van die Republiek van Suid-Afrika. Dit is geleë op die hoek van Kerkstraat (R104) en Dumbartonstraat in Bryntirion in Pretoria.

Die huis, toe bekend as Overvaal, is in 1937 gebou as ampswoning vir die administrateur van die destydse provinsie Transvaal. Dit is ontwerp deur J.B. Dey en V.S. Reese-Poole, ‘n oud-medewerker van sir Herbert Baker. Op versoek van die eerste bewoner is dit gebou in die Kaaps-Hollandse herlewingstyl. Aanvanklik het die dubbelverdiepinggebou ‘n rietdak gehad, maar dit is later jare met leiklip vervang.

In die huis word ‘n pragtige kunsversameling gehuisves: skilderye deur o.a. Pierneef, Tinus de Jongh en Erich Mayer en beeldhouwerke deur o.a. Anton van Wouw. Van Wouw se “President Kruger in ballingskap” en “Op Brandwag” is daar te sien. Verder is daar antieke meubels, koperware, keramiek en ander kunsvoorwerpe. Reese-Poole het ook die besondere tuin uitgelê.

Bibliografie[wysig]