Podsending

in Wikipedia, die vrye ensiklopedie
(Aangestuur vanaf Podgooi)
'n RSS-ikoon, word algemeen gebruik om 'n webvoer vir 'n podsending aan te dui.

'n Podsending of potgooi (Engels: podcast) is 'n reeks digitale medialêers (klank of video) wat periodiek op die internet vrygestel word en dan deur gebruikers beluister of bekyk word. Gebruikers kan meestal inteken op podsendings, sodat nuwe episodes outomaties deur middel van websindikasie afgelaai word op die gebruiker se eie rekenaar, mobiele toestel (soos 'n selfoon of tablet), of draagbare mediaspeler.

Etimologie[wysig | wysig bron]

Die woord "podsending" is 'n versmelting van die woord "iPod" (Apple se draagbare mediaspeler) en "uitsending". Alhoewel die tegnologie nie slegs met iPods gebruik word nie, het Apple se tegnologie 'n belangrike rol gespeel in die ontwikkeling en uiteindelike sukses van podsendings. Die stam "send-" word dikwels in mediakontekste gebruik, soos byvoorbeeld "beeldsend(ing)", "(kortgolf)sender", "warsender", ensovoorts.

Die woord "podsend" (as selfstandige naamwoord én werkwoord) is vir die eerste keer in 2009 in die Afrikaanse woordelys en spelreëls (AWS) opgeneem. In die 2017 uitgawe van die AWS word "podsend" én "podsending" (meervoud: "podsendings") naas die informeler "potgooi" (meervoud: "potgooie") erken. Ook word die selfstandige naamwoorde "podsender" en "potgooier", en die werkwoorde "podsend" en "potgooi" (verledetydsvorm: "gepotgooi") in dié AWS erken.

Sien ook[wysig | wysig bron]

Eksterne skakels[wysig | wysig bron]

Literatuur[wysig | wysig bron]

  • Van As, Janus (10 Junie 2020). "Lesingpodsendings in Afrikaans om inklusiwiteit te bevorder". LitNet Akademies. Besoek op 15 Junie 2020.