25-paar kleurkode

in Wikipedia, die vrye ensiklopedie
Spring na: navigasie, soek
25-Paar Kleurkode Kaart

Die 25-paar kleurkode is 'n kleurkode wat gebruik word om indiwiduele geleiers in 'n soort elektriese kommunikasiekabel naamlik gedraaide draadpaarkabels te identifiseer. Die kleure word op die isolasie aangebring wat die geleiers bedek. Die eerste kleur word gekies uit 'n groep van vyf kleure en die ander vanuit 'n tweede groep van vyf kleure wat 'n totaal van 25 moontlike kombinasies van twee kleure gee.

  • Die eerste groep van kleure is, in volgorde: wit, rooi, swart, geel, pers.
  • Die tweede groep van kleure is, in volgorde: blou, oranje, groen, bruin, grys.

Die 25 kombinasies word op die beeld hier aan die regterkant aangedui.

Die 25 kombinasies word ook op die onderstaande tabel aangetoon en toon die kleur vir elke draad ("1" en "2") en die paarnommer sowel as die kaart na die paarnommer soos vertoon in die beeld verder ondertoe.

Die eerste vyf kombinasies word baie algemeen in telekommunikasie- en datakabels aangetref.

nommer in die sel is die paarnommer
Kleurkodes 2de kleur
Blou Oranje Groen Bruin Grys
Draad # in paar-> 1 2 1 2 1 2 1 2 1 2
1ste kleur Wit 1   2   3   4   5  
Rooi 6   7   8   9   10  
Swart 11   12   13   14   15  
Geel 16   17   18   19   20  
Pers 21   22   23   24   25  

Soms sal elke draad in 'n paar 'n gekleurde streep of ringe hê met die kleur van sy ooreenstemmende gepaarde draad. Dit maak dit maklik om te identifiseer tot watter paar 'n gegewe draad behoort. Anders sou mens die kleurkaart moet gebruik om vas te stel watter kleure fisies saamgedraai moet word.

Paar # Eerste draad Tweede draad
1 Wit Blou
2 Oranje
3 Groen
4 Bruin
5 Grys
6 Rooi Blou
7 Oranje
8 Groen
9 Bruin
10 Grys
11 Swart Blou
12 Oranje
13 Groen
14 Bruin
15 Grys
16 Geel Blou
17 Oranje
18 Groen
19 Bruin
20 Grys
21 Pers Blou
22 Oranje
23 Groen
24 Bruin
25 Grys

Wanneer dit gebruik word vir gewone analoë dienste, word die eerste draad gewoonlik as die gronddraad gebruik, die positiewe kant van die gelykstroom stroombaan, terwyl die tweede draad aan die negatiewe kant van die stroombaan verbind word.

Vir kabels wat meer as 25 pare bevat, word die eerste 25 pare gemerk met 'n Wit/Blou lint, die tweede 25 pare met 'n Wit/Oranje lint ensovoorts tot by die 25ste verbindingsgroep (625 pare), wat 'n Pers/Grys lint sal hê. Die patroon begin dan weer van voor af en word dan weer herhaal.

Commons
Wikimedia Commons het meer media verwant aan:
Color code (bladsy)