Atol

in Wikipedia, die vrye ensiklopedie
Spring na: navigasie, soek
Die Rangiroa-atol

'n Atol is 'n ringvormige eiland of 'n ringvormige reeks eilande wat saam ontstaan het. Atolle het 'n basis van koraal. Die gebied binne die ring kan (as die ring geslote is) soet, ekstra sout of brak water bevat.

Ontstaan[wysig]

Ontstaan van 'n atol:
'n Atol ontstaan as gevolg van relatiewe styging in seespieël en erosie van die eiland

Charles Darwin het 'n verklaring vir die ontstaan van atolle gepubliseer wat tot vandag toe as korrek aanvaar word. Hy baseer sy teorie op waarnemings gedurende sy reis op die HMS Beagle. Hy redeneer dat 'n koraalrif om 'n vulkaniese eiland hoër sal word namate die eiland wegsak (of die seevlak styg) en uiteindelik 'n eiland met 'n koraalrif sal vorm. As gevolg van lewendige koraal sal die buitenste rif aanhou groei tot net onder seevlak. Soos die vulkaan as gevolg van erosie of styging in seespieël onder water verdwyn, bly slegs die koraalrif agter.

Atolle kom veral in die Stille Oseaan voor. Omdat atolle uit koraal bestaan, kan hulle slegs in tropiese oseane voorkom. Vulkaniese eilande wat buite die geskikte temperatuursone geleë is, word ondersese berge namate hulle wegërodeer.

Sien ook[wysig]

  • Argipel, ketting of tros van eilande.