Aydian Dowling

in Wikipedia, die vrye ensiklopedie
Aydian Dowling
Gebore16 Julie 1987 (1987-07-16) (36 jaar oud)
Long Island, New York, VSA
Beroep
  • YouTuber / beïnvloeder
  • entrepreneur
  • model
  • fiksheids- en lewensafrigter
  • aktivis
Jare aktief2009-tans
EggenootJenilee Dowling
Webwerfaydiandowling.com

Aydian Dowling (gebore op 16 Julie 1987) is 'n Amerikaanse YouTuber/beïnvloeder, entrepreneur, model, fiksheids- en lewensafrigter en transgender aktivis. Hy het sy YouTube-kanaal in 2009 begin om sy reis met die neem van testosteroon en sy ondervindings as 'n trans man te deel.[1] In 2015 was Aydian op die voorblad van FTM Magazine op 'n herskepte foto van Adam Levine wat tot sy loopbaan as model gelei het.[2]

Aydian was in 2015 die leserskeuse in die "Ultimate Men's Health Guy"-kompetisie, en was in November 2015 op die voorblad van 'n spesiale uitgawe. Hy was die eerste transgender man op die voorblad van Men's Health.[3] Hy was daarna in 2016 op die voorblad van beide Gay Times en IN Magazine.[4][5]

Persoonlike lewe[wysig | wysig bron]

Dowling het in Long Island grootgeword saam met twee ouer broers en twee stiefsibbes. Tydens sy tienerjare het hy uitgekom as 'n lesbiër, maar gevoel die etiket pas hom nie heeltemal nie. Hy het op 16 sy eerste meisie gehad en het sy identiteit begin bevraagteken toe een van sy meisies vra of hy 'n seun wil wees.

Dowling het dit oorweeg dat hy transgender is, maar is ontnugter deur die media se voorstelling van transgender mense as óf 'n "drag king" óf 'n "drag queen", van wie die meeste cisgender mense is. In 2007 het hy 'n videogreep op die internet gesien wat sy belangstelling geprikkel het.[6] Daarna het hy in Februarie 2009 besef hy is 'n trans man.[7]

Kort daarna het Aydian sy vrou, Jenilee Dowling, ontmoet en hulle is in 2012 getroud.[8] Op 1 November 2018 het hulle hulle eerste kind, Antler Joseph, verwelkom. Hy is met skenkersperm verwek.[9]

Loopbaan[wysig | wysig bron]

Voordat Aydian 'n LGBTQ-kampvegter geword het, het hy 'n paar jaar as 'n bakker gewerk. Freedom for All Americans het 'n storie oor hom geskryf nadat hy as bakker in Oregon afgedank is omdat hy transgender is. Hulle het 'n video ingesluit wat hy vir sy YouTube-kanaal opgeneem het oor sy ervaring van diskriminasie in die werkplek.[10]

Nadat hy en sy vrou New York toe getrek het om nader aan sy vrou se pa te wees, het hy sy entrepreneurswerk die middelpunt van sy loopbaan gemaak en meer tyd aan sy maatskappy, Point5cc, begin bestee.[11]

Sedert hy uitgekom het, het Aydian se loopbaan op baie vlakke vlamgevat: as 'n beïnvloeder, trans aktivis, model en fiksheids- en lewensafrigter.

Entrepreneurskap[wysig | wysig bron]

Aydian het sy kleremaatskappy, Point 5cc, in 2012 gestig.[12] Die naam verwys na die dosis wat gewoonlik vir hormoonvervangingsterapie voorgeskryf word.[13] Die maatskappy help ander transgender mense, ook deur middel van 'n sustersmaatskappy sonder winsbejag, Point of Pride.[14] Point of Pride verskaf borsbinders vir trans mans[15] en het al tienduisende mense gehelp om hulpmiddels en chirurgie te ontvang.[16]

Impak[wysig | wysig bron]

Dowling se voorbladfoto van Men's Health het in dieselfde jaar verskyn as Laverne Cox s'n op Time. Daar was in die middel 2010's 'n golf van mediadekking van transgender individue, wat deur Time beskryf is as die "Transgender Tipping Point".[17]

Dowling se verskyning in Men's Health het die lewe van ander transgender mense positief geraak en hulle geïnspireer om ook blogs en YouTube-kanale te begin om hulle eie ondervindings te dokumenteer.[18] Verder beantwoord Aydian elke maand honderde e-posse om ander mense met hulle gendertransisie te help.[19]

Verwysings[wysig | wysig bron]

  1. ↑ "Aydian Dowling - The Shorty Awards". The Shorty Awards 2021. Besoek op 11 Maart 2022.
  2. ↑ Ballard, Jason (17 Februarie 2015). "Transgender Magazine Recreates Naked Adam Levine Photo". BuzzFeed. Besoek op 11 Maart 2022.
  3. ↑ Calderone, Ana (15 Oktober 2015). "Transgender Activist Aydian Dowling Loses Men's Health November Cover Competition but Will Appear on Special Edition Cover". People. Besoek op 11 Maart 2022.
  4. ↑ Wheeler, Andre (26 Februarie 2016). "Aydian Dowling Is the First Trans Man to Cover Gay Times Magazine". Out. Besoek op 11 Maart 2022.
  5. ↑ Hardwick, Courtney (1 Junie 2016). "June 2016 Cover Story: Aydian Dowling's Incredible Journey". IN Magazine. Besoek op 11 Maart 2022.
  6. ↑ (in en) Transgender / Transsexual Men on the Maury Show / Lando FTM, https://www.youtube.com/watch?v=vcqhPJHwv8E, besoek op 2023-02-13 
  7. ↑ Riley, John (3 Maart 2016). "Total Embodiment: An Interview with Aydian Dowling". Metro Weekly. Besoek op 10 Maart 2022.
  8. ↑ Braidwood, Ella (5 November 2018). "Trans man Aydian Dowling's wife gives birth to their first child". PinkNews. Besoek op 10 Maart 2022.
  9. ↑ Megarry, Daniel (6 November 2018). "Trans activist and model Aydian Dowling celebrates birth of baby boy". Gay Times. Besoek op 10 Maart 2022.
  10. ↑ "Advocate & Entrepreneur Aydian Dowling: I Was Fired for Being Transgender". Freedom for All Americans. 15 September 2016. Besoek op 10 Maart 2022.
  11. ↑ Riley, John (3 Maart 2016). "Total Embodiment: An Interview with Aydian Dowling". Metro Weekly. Besoek op 10 Maart 2022.
  12. ↑ "About Us". Point of Pride. Besoek op 11 Maart 2022.
  13. ↑ "Aydian Dowling - The Shorty Awards". The Shorty Awards 2021. Besoek op 11 Maart 2022.
  14. ↑ "About Us". Point of Pride. Besoek op 11 Maart 2022.
  15. ↑ Riley, John (3 Maart 2016). "Total Embodiment: An Interview with Aydian Dowling". Metro Weekly. Besoek op 10 Maart 2022.
  16. ↑ "Transgender Activist & Educator". Aydian Dowling. Geargiveer vanaf die oorspronklike op 4 Maart 2023. Besoek op 10 Maart 2022.
  17. ↑ Dowling, Aydian (17 November 2020). "Transgender Awareness Week is about reminding all Trans-Allies there's so much more work to do". Los Angeles Blade. Besoek op 11 Maart 2022.
  18. ↑ Bernardo, Mason (24 Mei 2018). "aydian dowling is my unexpected trans hero". glaad. Geargiveer vanaf die oorspronklike op 4 Maart 2023. Besoek op 11 Maart 2022.
  19. ↑ Sciglimpaglia, Mary (31 Desember 2021). "Trans-Activist, Influencer, and Cover Model. Meet Aydian Dowling. (The Creation of Us-E1)". Only Good TV. Besoek op 11 Maart 2022.

Skakels[wysig | wysig bron]

Ontsluit van "https://af.wikipedia.org/w/index.php?title=Aydian_Dowling&oldid=2618202"