Bacchus Nel
Bacchus Nel (1975 - ) is 'n Afrikaanse sanger, musikant, liedjieskrywer en digter.[1][2] Hy is gebore as Stephen Nel en het grootgeword in Standerton, Mpumalanga, waar hy as makelaar gewerk het voordat hy sy sig verloor het in 'n motorongeluk in 1997.[1] Hierna begin hy musiek maak en tree op onder die naam Bacchus. Sy eerste album, 'In die arms van die nag', is in 2005 vrygestel en sy tweede album getiteld 'Tussen Junk en Jewelry' word in 2011 vrygestel. Sy musiek word beskryf as Afrikaanse folk.
