Microsoft Bing

in Wikipedia, die vrye ensiklopedie
(Aangestuur vanaf Bing)
Bing
Tipe webblad Soekenjin
Taal(e) Engels
Eienaar Microsoft
Opgerig 3 Junie 2009
Huidige status Aktief
URL http://www.bing.com/

Microsoft Bing (algemeen bekend as Bing) is die websoekenjin wat deur die Amerikaanse maatskappy Microsoft besit en bedryf word. Die diens het sy oorsprong in Microsoft se vorige soekenjins: Live Search, Windows Live Search en later Live Search. Bing bied 'n verskeidenheid soekdienste, insluitend web-, video-, beeld- en kaartsoekprodukte. Dit is ontwikkel met behulp van ASP.NET.

Die soekenjin is op 28 Mei 2009 by die All Things Digital-konferensie in San Diego, Kalifornië, deur Microsoft se destydse uitvoerende hoof, Steve Ballmer bekendgestel.[1] Bing is 'n plaasvervanger vir Live Search en is ten volle aanlyn sedert 3 Junie 2009. Opvallende nuwe kenmerke het destyds die lys van soekvoorstelle ingesluit terwyl navrae ingevoer word en 'n lys van verwante soektogte (genoem "verkenningpaneel") gebaseer op semantiese tegnologie van Powerset,[2] wat Microsoft in 2008 bekom het.[3]

In Julie 2009 het Microsoft en Yahoo! 'n transaksie aangekonding waarin Yahoo! Search deur Bing aangedryf sou word.[4] Yahoo! het die oorgang in 2012 voltooi.[5]

Verwysings[wysig | wysig bron]

  1. "Microsoft's New Search at Bing.com Helps People Make Better Decisions | News Center". news.microsoft.com. Besoek op 23 November 2016.
  2. "Microsoft Bing rides open source to semantic search". The Register. Besoek op 1 Januarie 2010.
  3. "Microsoft to Acquire Powerset". Bing. Geargiveer vanaf die oorspronklike op 28 Desember 2009. Besoek op 1 Januarie 2010.
  4. "Microsoft and Yahoo seal web deal". BBC News. 29 Julie 2009. Besoek op 10 Mei 2012.
  5. "When will the change happen? How long will the transition take?". Yahoo!. 1 Desember 2011. Besoek op 10 Mei 2012.