Die Strydwa (tarotkaart)
Die Strydwa is die sewende troefkaart in tarotkaartspeletjies en die sewende Groot Arcana-kaart in pakke vir waarsêery. Dit word in albei gebuik.
Beskrywing[wysig | wysig bron]
'n Figuur sit in 'n strydwa, maar hou geen tou vas nie. Hy word deur twee sfinkse of perde getrek. Daar is dikwels 'n swart-wit-motief: Een van die perde kan byvoorbeeld swart wees en die ander een wit. Die figuur kan 'n kroon of helm ophê, en het in sommige voorstellings vlerke. Hy hou 'n swaard of staf vas. In die Thoth-tarotpak beheer die figuur vier diere.
Die hamer op die strydwadrywer se wapen is 'n messelaarsimbool wat selfbeheersing verteenwoordig.[1]
'n Sonkap met sterre op bo die drywer se kop is veronderstel om "hemelse invloede" te toon.[2]
Vertolking[wysig | wysig bron]
Volgens A.E. Waite se boek van 1910 Pictorial Key to the Tarot het die strydwakaart verskeie betekenisse in waarsêery:[3]
7. DIE STRYDWA – bystand, steun, ook oorlog, triomf, veronderstelling, wraak, moeilikheid. Omgekeer – opstand, rusie, gedingvoering, nederlaag.
In astrologie word Die Strydwa verbind met die vroulike waterteken Kreef en sy heersende hemelliggaam, die maan.[4]
Verwysings[wysig | wysig bron]
- ↑ "The Masonic Mallet | Articles at Masonic Dictionary". masonicdictionary.com. Geargiveer vanaf die oorspronklike op 25 Augustus 2007.
- ↑ Gray, Eden. "Complete Guide to the Tarot." 1970. Crown Publishers, New York, NY.
- ↑ Waite, Arthur Edward (1979). The Pictorial Key to the Tarot. New York: Samuel Weiser. p. 284. ISBN 0-87728-218-8.
- ↑ "A Taste of Tarot: Cancer and The Chariot Tarot Card". Tarot.com (in Engels (VSA)). Besoek op 14 Julie 2023.
Skakels[wysig | wysig bron]
Wikimedia Commons het meer media in die kategorie Die Strydwa (tarotkaart).
Hierdie artikel is in sy geheel of gedeeltelik uit die Engelse Wikipedia vertaal.
