Diego Velázquez

in Wikipedia, die vrye ensiklopedie
Spring na: navigasie, soek
Diego Velázquez
Velázquez Self-portrait.jpg
Geboortenaam Diego Rodríguez de Silva y Velázquez
Gebore (1599-06-06)6 Junie 1599
Sevilla, Spanje
Sterf 6 Augustus 1660 (op 61)
Madrid, Spanje
Nasionaliteit Vlag van Spanje Spanje
Veld Skildery
Beweging Barok
Werke Las Meninas, 1656
Rokeby Venus, 1644–1648
La rendición de Breda, 1634–1635
Velázquez se Las Meninas

Diego Velázquez (6 Junie 15996 Augustus 1660) was 'n Spaanse skilder en die voorste skilder aan die hof van koning Filips IV. Hy was 'n individualistiese kunstenaar van die destydse baroktydperk en 'n belangrike portretskilder. Hy het talle skilderye geskep wat vandag van geskiedkundige en kulturele belang is, asook 'n groot aantal portrette van die Spaanse koninklike familie, ander noemenswaardige Europese figure en alledaagse mense. Las Meninas, 'n 1656-skildery, word nie slegs as Velázquez se meesterwerk beskou nie, maar ook onder die belangrikste werke in die Westerse kunsgeskiedenis gereken.

Velázquez se kunswerke het reeds vanaf die eerste kwart van die 19de eeu as model vir realistiese en impressionistiese skilders gedien, veral Édouard Manet. Sedert die tyd het moderner kunstenare, waaronder Spanje se Pablo Picasso en Salvador Dalí, asook die Anglo-Ierse Francis Bacon huldebetuigings aan Velázquez gebring deur verskeie van sy bekendste werke te herskep.