Eenvoudige hangbrug

in Wikipedia, die vrye ensiklopedie
Spring na: navigasie, soek
Eenvoudige Hangbrug
CapilanoBridge.jpg
Capilanohangbrug
Voorganger Inkatoubrug
Verwante Geen
Uitvloeisels Hangbrug
Dra Voetgangers, lewende hawe
Spanwydte kort tot medium
Materiaal Staal draadkabel, geskikte dekmateriaal
Beweegbaar Nee
Ontwerpsintensiteit Laag
Stutwerk benodig Nee

'n Eenvoudige Hangbrug is 'n vroeë brugtipe en word steeds in sommige dele van Suid-Amerika met inheemse materiaal, hoofsaaklik grastou, gemaak. Die toubrûe moes natuurlik van tyd tot tyd opgeknap word as gevolg van die beperkte lewensduur van die materiaal. Die touonderdele word deur gesinne gemaak en as deel van gemeenskapsondernemings bygedra. 'n Meer permanente weergawe, geskik vir voetganger en soms berede gebruik, kan uit eenvoudige draadkabel gemaak word. By sulke brûe volg die baanblad die kettinglynvorm van die drakabels. Addisionele ligte toue op 'n hoër vlak word gebruik om die handreëlings te vorm.

As gevolg van die praktiese beperking op die helling van die brugdek en die reaksie daarvan op dinamiese lasse is die tipe brug se dravermoeë in verhouding met die spanwydte daarvan baie beperk. 'n Besondere soort glyende manier van loop moet op ligter brûe gebruik word om te verhoed dat golwe veroorsaak word wat die brug ongemaklik op en af en sywaarts kan laat swaai. So 'n brug kan gestabiliseer word deur addisionele ligte kabels wat nie bydra tot dra van die primêre struktuur of las nie. Sulke kabels dra ook by tot stabiliteit in winderige omstandighede. Vir die die Capilanohangbrug word die primêre ondersteuning deur die handreëlingkabels verskaf en hang die dek daaonder. Dit veroorsaak meer sywaartse beweging as wanneer die primêre ondersteuning op dekvlak is.

Die eenvoudige hangbrug vir voetgangers het traliekante wat die dek stabiliseer.


Kyk ook[wysig]

  • Inkatoubrug vir die vroegste voorbeelde van die tipe brûe
  • Spanbandbrug vir 'n moderne ontwikkeling van die tipe, geskik vir voertuigverkeer