Firth of Forth

in Wikipedia, die vrye ensiklopedie
Spring na: navigasie, soek
Die Firth of Forth
Die padbrug oor die Forth

Die Firth of Forth (Skots-Gaelies Abhainn Dhubh, letterlik "Swart Rivier") is die monding (firth) van die Skotse rivier Forth. Die rivier mond hier tussen Fife in die noorde en West Lothian, Edinburgh en East Lothian in die suide in die Noordsee uit. Getye kom tot by Stirling in en uit, maar in die algemeen word die Kincardine-brug as die grenspunt van die monding se binnelandse gedeelte beskou.

'n Groot aantal stede en dorpe lê langs die oewers van die Firth, asook die petrochemiese aanleg van Grangemouth, die skeepsdokke van Leith, die olieplatvorm-konstruksieterrein van Methil, die skeepsslopery van Inverkeithing en die Britse Vloot se dokke in Rosyth. Talle ander nywerheidsones lê in die gebied, soos byvoorbeeld Forth Bridgehead, Burntisland, Kirkcaldy, Bo'ness en Leven.

Die Kincardine-brug en die beroemde Forth-padbrug en Forth-spoorwegbrug is die belangrikste verbindings oor die Firth.

Die binnelandse gedeelte van die monding tussen die Kincardine- en Forth-brûe het sowat die helfte van die gebied, wat vroeër deur die getye geraak is, as gevolg van landaanwinningsprojekte kwytgeraak. Hier het landbou- en nywerheidsterreine ontstaan, maar veral uitgestrekte asstrandmere om die oorskot van die Longannet-steenkoolkragsentrale naby Kincardine.

Die Firth speel ook 'n belangrike rol as natuurbewaringsgebied. Die riviermonding is 'n broeiplek vir jaarliks sowat 90 000 seevoëls. Daar is 'n uitkykpunt vir voëlliefhebbers op die May-eiland.