Gebruiker:Asterion~afwiki

TER INLEIDING

Asterion is die naam van 'n nuwe Wikipedia gebruiker (EKSELF) wat probeer om sy voete in die oerwoud van sigblaaie en redigeerwerke te vind. Asterion het aangesluit op 19 Mei 2007. Die naam is afkomstig van 'n minder bekende werk wat NP van Wyk Louw in die negentien vyftigs geskryf het. Baie min mense het ooit "Asterion" ('n musikale drama of musikale sprokie) deur NP van Wyk Louw gelees. Die oorspronklike hardebandboekie is in hierdie gebruiker se besit; en dit is maar skaars op die tweedehandse boekemark. Die werkie is destyds getoonset in samewerking met 'n Nederlandse komponis. Omdat gebruiker Asterion se boeke tuis in Suid-Afrika in 'n argief verkeer, gee hy later meer besonderhede oor die inhoud van "Asterion".

Hierdie gebruiker het 'n reeks uiteenlopende en selfs vreemde skryfstukke op sy naam: akademiese werk, heelwat joernalistiek, 'n klompie gedigte en stories. Sy belangstelling loop gewoonlik met wye draaie - en vandaar sy belangstelling in die gedagte van 'n Afrikaanse e-ensiklopedie. Hy (SKRYWER) vertrou dat hy nie te veel skade gaan aanrig nie, en hoop om iets te leer uit die projek.

TOT SOVER

Nou kom ek agter daar is heelwat skryf-familie hier by Wikipedia; en dat die inleiding hierbo gans en al te formeel en te derdevertellerig is; mens kan mos maar praat soos in die kombuis rondom koffie en beskuit; nie waar nie?

Ek hoop iemand kan my 'n wenk gee om hierdie gebruikersblad aan te vul met sketse of foto's. Is dit enigsins moontlik en indien wel hoe? Ek het iets probeer; maar is onder die indruk dat ek dalk iets onwettigs gedoen het. Ek is nie seker waar en hoe ek skade gemaak het nie. Nou ja... tot sover my gebruikersjoernaal. Tot later en weersiens.

Asterion 21:20, 20 Mei 2007 (UTC)