Daar teen my muur
sit iets vir my en gluur
dis donker maar dit kyk vir my
Mamma! Mamma! Waar is jy?
Mamma sit die lig aan - hoekom die geraas
Ek wys na my muur en sien verbaas
Die ding teen my muur - daar is nou niks
Mamma sê slaap - dit was seker ou Buks
Ek knyp my oë toe - sy sit die lig af
My hartjie klop vinnig - miskien is ek laf
Stadig loer ek na die muur en begin skree
Mamma! Mamma! Hier is hy alwee!
Mamma kom in - maar nou lyk sy kwaad
Hier is niks - slaap nou dis laat!
Maar mamma, daar teen my muur
die ding bly vir my gluur
Sy haal my hoed van my tafel af
dit was net 'n skadu - ja ek was laf
skiellik begin my mondjie gaap
nou kan ek mos lekker slaap!