Goslarer SC 08

in Wikipedia, die vrye ensiklopedie
Spring na: navigasie, soek
Goslarer SC 08
SC Goslar.jpg
Volledige naam Goslarer Sport Club von 1908 e.V.
Bynaam Kaiserstadt-Kicker
Stigtingsdatum 1908
Tuisveld Osterfeldstadion,
Goslar
Kapasiteit 6 000
Kompetisie Regionalliga Noord

Goslarer SC 08 is ‘n sportklub uit Goslar in die deelstaat Neder-Sakse in Duitsland, veral bekend vir sy sokkerafdeling. Benewens sokker het die klub ook onder meer afdelings vir hokkie, atletiek en boogskiet.

Die klub is in 1908 gestig en het sy beste jare voor 1933 gehad, toe daar in die Oberliga Hannover-Braunschweig meegeding is, destyds die hoogste vlak van die Duitse sokkerstruktuur. Na die Tweede Wêreldoorlog is die klub as TSV Goslar herstig. Die klub het in 1950 byna na die Oberliga Noord op die hoogste vlak gepromoveer, maar het verloor in die uitspeelwedstryde. In 1953 is die huidige naam aangeneem. In 2003 het die klub met SV Sudmerberg saamgesmelt en kortstondig as Goslarer SC 08 Sudmerberg bekendgestaan. Die klub se grootste hedendaagse prestasie is in 2009 behaal, toe die Oberliga Nedersakse-Oos gewen is en daar met VfB Oldenburg, wenners van die Oberliga Nedersakse-Wes, in die uitspeelwedstryd om promosie na die Regionalliga afgereken is op die weg-doelreël (0-1; 1-2). Dit was die eerste keer sedert 1950 dat die span as die Neder-Sakse-kampioen gekroon is. Die tuiswedstryd in die Osterfeldstadion is deur ongeveer 4 300 mense bygewoon.

Die span speel in die 2009/10-seisoen sy tuiswedstryde in die Eintracht-stadion in Braunschweig, aangesien die Osterfeldstadion nog nie aan die vereistes vir ‘n Regionalliga-lisensie voldoen nie.

Onlangse ligaposisionering[wysig]

  • 1994-95 (V) Verbandsliga Nedersakse-Oos 10de
  • 1995-96 (V) Verbandsliga Nedersakse-Oos 7de
  • 1996-97 (V) Verbandsliga Nedersakse-Oos 12de
  • 1997-98 (V) Verbandsliga Nedersakse-Oos 6de
  • 1998-99 (V) Verbandsliga Nedersakse-Oos 7de
  • 1999-00 (V) Verbandsliga Nedersakse-Oos 3de
  • 2000-01 (V) Verbandsliga Nedersakse-Oos 8ste
  • 2001-02 (V) Verbandsliga Nedersakse-Oos 3de
  • 2002-03 (V) Verbandsliga Nedersakse-Oos 10de
  • 2003-04 (V) Verbandsliga Nedersakse-Oos 15de
  • 2004-05 (VI) Bezirksoberliga Braunschweig 1ste
  • 2005-06 (V) Verbandsliga Nedersakse-Oos 10de
  • 2006-07 (V) Verbandsliga Nedersakse-Oos 15de
  • 2007-08 (VI) Bezirksoberliga Braunschweig 1ste
  • 2008-09 (V) Oberliga Nedersakse-Oos 1ste
  • 2009-10 (IV) Regionalliga Noord

Eksterne skakels[wysig]


Regionalliga Noord 2009/10-seisoen

SV Babelsberg 03, Tennis Borussia Berlyn, Türkiyemspor Berlyn, Hertha BSC Berlyn II, Chemnitzer FC, Goslarer SC 08, Hallescher FC, Hamburger SV II, VfB Lübeck, 1. FC Maagdenburg, ZFC Meuselwitz,
FC Oberneuland, VFC Plauen, FC Hansa Rostock II, FC St. Pauli II, SV Wilhelmshaven, VfL Wolfsburg II