H.H. Scott

in Wikipedia, die vrye ensiklopedie
Spring na: navigasie, soek
Model 350A FM-multipleks-stereo-radio-ontvanger van 1961 - die eerste van sy soort op die Amerikaanse mark

H.H. Scott, Inc. was een van die leidende handelsmerke in die Amerikaanse hoëtroubedryf wat in die "Goue Tydperk" van die elektronebuis gefloreer het, naas Fisher, Marantz, McIntosh en Harman Kardon. Dit is in 1947 deur Hermon Hosmer Scott gestig.

H.H. Scott het van die eerste FM-stereo-multipleks-radiotoestelle en -ontvangers aangebied. H.H. Scott was self aktief betrokke by vroeë stereo-multipleks-uitsaaitoetse wat deur die radiostasie WCRB in Boston deurgevoer is, een van die eerste drie stasies in die Verenigde State wat radioprogramme in multipleks-stereoklank uitgesaai het.

Sommige van Scott se oudiokomponente is as selfboupakkette verkoop en kan maklik aan die letter L in hul modelnaam herken word, soos LK (versterker) of LT (radiotoestel).

Klassieke H.H. Scott elektronebuis-klanktoerusting is gewild by versamelaars.

Die handelsmerk H.H. Scott is in 1985 deur Emerson Electronics gekoop en bestaan as 'n afdeling van dié onderneming voort. H.H. Scott of Audioscott verbruikerselektronika soos radiotoestelle, motorklankstelsels en MP3-spelers word sedert 1999 deur alfa group, 'n Hong Kong-gebaseerde filiaalmaatskappy van Emerson, vervaardig.