Hewlett-Packard
vanuit Wikipedia, die vrye ensiklopedie.
| Hewlett-Packard Company | |
 |
|
| Tipe | Publieke maatskappy |
|---|---|
| Gestig | 1939 in Palo Alto, VSA |
| Hoofkantoor | Palo Alto, CA, Verenigde State |
| Industrie | Inligtingstegnologie |
| Produkte | Rekenaars en skootrekenaars, rekenaarskerms, bedieners, sagteware, drukkers |
| Dienste | IT-dienste |
| Inkomste | 127,2 miljard VSA-$ (2011) |
| Bedryfsinkomste | 11,479 miljard VSA-$ (2010) |
| Netto inkomste | 8,761 miljard VSA-$ (Fiskale jaar 2010) |
| Dogtermaatskappye | Compaq |
| Slagspreuk | Invent. |
| Webwerf | HP.com |
Hewlett-Packard Company, algemeen bekend onder sy afkorting HP, is 'n multinasionale inligtingstegnologie-maatskappy wat sy hoofkwartier in Palo Alto in die Amerikaanse deelstaat Kalifornië het. HP het tot een van die grootste globale tegnologie-vervaardigers gegroei en bedien vandag byna elke mark wêreldwyd. Die maatskappy spits hom op die ontwikkeling en vervaardiging van rekenaar-, datastoor- en netwerk-hardeware, die ontwerp van sagteware en die verskaffing van IT-dienste toe.
[wysig] Organisasiestruktuur
In organisatoriese opsig het HP sy bedryfsaktiwiteite in drie groot sake-eenhede verdeel:
- die Personal Systems Group (PSG): rekenaars vir tuis- en professionele gebruik, skootrekenaars en mobiele toestelle, en werkstasies,
- die Imaging and Printing Group (IPG): inkstraal- en laserdrukkers asook professionele drukoplossings, verbruiksmateriaal vir drukkers, digitale fotografie en digitale vermaak en
- die Technology Solutions Group (TSG): IT-oplossings vir groter maatskappye (soos byvoorbeeld datastoor- en bedienerstelsels), EDS, uitbestedingsdienste en sagteware
