Hitte-enjin

in Wikipedia, die vrye ensiklopedie
Spring na: navigasie, soek

'n Hitte-enjin is 'n meganiese toestel wat termiese energie omskakel in meganiese uitsette. Die meganiese uitsette word werk genoem, en die termiese insette hitte. Hitte-enjins word tipies gedryf deur 'n spesifieke termodinamiese siklus. Hitte-enjins kan oop met betrekking tot atmosferiese lug wees, of afgeslote en afgedig tot die buitekant (oop of geslote siklus).

In ingenieurswese en termodinamika, verrig 'n hitte-enjin die omskakeling van hitte energie na meganiese energie deur van die temperatuurgradiënt tussen die warm "bron" en die koue "sink" gebruik te maak. Hitte word oorgedra vanaf die bron, deur die "werkende liggaam" van die enjin, na die sink. In hierdie proses word sommige van die hitte omgeskakel na werk deur die eienskappe van die werkende stof, gewoonlik 'n vloeier, uit te buit.