Internationales Congress Centrum Berlin

in Wikipedia, die vrye ensiklopedie
Spring na: navigasie, soek
Ter geleentheid van die inwyding van die ICC Berlin in 1979 het die Federale Posdiens van Berlyn 'n spesiale seël uitgereik
'n Boaansig van die ICC Berlin

Die Internationales Congress Centrum Berlin (ICC Berlin) in die stadsbuurt Westend van die Berlynse stadsdistrik Charlottenburg-Wilmersdorf is een van die grootste kongres- en konferensiesentrums ter wêreld. Die gebou met 'n lengte van 320 meter, 'n wydte van 80 meter en 'n hoogte van 40 meter is volgens 'n ontwerp van die Berlynse argitekte Ralf Schüler en Ursulina Schüler-Witte ná slegs vier jaar se boutyd in 1979 geopen.

Die ICC Berlin word by die beduidendste bouprojekte in die na-oorlogse Duitse argitektuurgeskiedenis gereken. Die boukoste het meer as 924 miljoen Duitse Mark (sowat 473 miljoen €) beloop. Die gebou dien steeds as 'n voorbeeld vir die ontwerp van nuwe kongressentrums dwarsoor die wêreld.