Kajapoetolie

in Wikipedia, die vrye ensiklopedie
Spring na: navigasie, soek
Kajapoetolie in 'n deursigtige glasbottel.
Die kajapoetboom (Melaleuca leucadendra)

Kajapoetolie is 'n vlugtige olie met sterk antiseptiese eienskappe. Weens die antibakteriese werking is dit 'n bestanddeel in verskeie preparate soos salwe en rome teen spierpyn en neusontstuwingsmiddels. In sekere geneesmiddels teen vissiektes is dit 'n bestanddeel. Ook word dit benut as geurstof in parfuum en in insekwerende middels. In Suid-Afrika word kajapoetolie beskou as een van die “Hollandse medisyne”.

Hierdie olie is 'n kleurlose tot groengeel helder vloeistof met 'n sterk eukaliptusagtige geur. Dit word verkry deur die distillering van jong blare en takkies van die kajapoetboom (Melaleuca leucadendra, ook genoem Melaleuca cajaputi). Sy verspreidingsgebied is die Indonesiese argipel, die Maleise skiereiland, die Solomonseilande en die noordelike deel van Australië. Die eiland Sulawesi is die grootste produsent.

Die bekende teeboomolie word vervaardig uit Melaleuca alternifolia.

Bronne[wysig]

  • Green, Lawrence G.: In the land of afternoon. Kaapstad: Timmins, 1949.
  • de.wikipedia.org
  • nl.wikipedia.org