Konsepdriehoek
'n Konsepdriehoek is 'n tegniek in laterale denke soos deur Edward de Bono bedink. Die tegniek behels die neeskryf van 'n probleem en 'n idee om daardie probleem op te los. Daar word dan gekyk na die voorgestelde oplossing en die konsep daaragter word geïdentifiseer en neergeskryf sodat die probleem, idee en konsep 'n driehoek vorm. Daar word dan gekyk na die konsep en ander moontlike idees wat ook van dieselfde konsep gebruik maak.
'n Voorbeeld daarvan kan 'n probleem wees oor hoe om water uit 'n glas te kry, een oplossing kan wees om klippe daarin te gooi sodat die water oorloop. Die konsep is "verplasing". Daar kan dan nou gekyk word na ander maniere om verplasing te bewerkstellig.
