Las Vegas

in Wikipedia, die vrye ensiklopedie
(Aangestuur vanaf Las Vegas, Nevada)
Spring na: navigasie, soek

Las Vegas
Las Vegas strip.jpg

Kaart Wapen
Clark County Nevada Incorporated Areas Las Vegas highlighted.svg
Vlag
Flag of Las Vegas, Nevada.svg
 Land Flag of the United States.svg Verenigde State
 Deelstaat Flag of Nevada.svg Nevada
 Koördinate 36°11′N 115°13′W Koördinate: 36°11′N 115°13′W
 Gestig op 15 Mei 1905
 Geïnkorporeer op 16 Maart 1911
 Oppervlakte:  
 - Totaal 340 vk km
 Hoogte bo seevlak 610 m
 Bevolking:  
 - Totaal (2010) 583 756
 - Bevolkingsdigtheid 1 659,5/vk km
 - Metropolitaanse gebied 1 951 269
 Tydsone PST (UTC -8)
Somertyd: PDT (UTC -7)
 Klimaat  
 - Tipe Woestynklimaat [1]
 - Gemiddelde jaarlikse temperatuur 19,3 °C
 - Gem. temp. Januarie/Julie 7,3 / 32,4 °C
 - Gemiddelde jaarlikse neerslae 109 mm
 Burgemeester Carolyn G. Goodman
 Amptelike Webwerf lasvegasnevada.go

Las Vegas (dikwels afgekort tot "Vegas") is die grootste stad in die Amerikaanse deelstaat Nevada en ook een van die volkrykste metropole in die weste van die VSA. Die stad staan vandag veral bekend as 'n internasionale toeristesentrum en eersterangse bestemming vir handelskoue en konferensies soos die jaarlikse Consumer Electronics Show (CES), die belangrikste internasionale handelskou vir elektroniese verbruikersware. Die plaaslike toerismebedryf steun veral op dobbelary, groot winkelsentrums en Las Vegas se vermaaklikheidsbedryf.

Las Vegas word dikwels as die "Wêreld se Vermaaklikheidshoofstad" ("The Entertainment Capital of the World") beskryf - onder meer danksy die reusagtige luukse kasino's, die onbeperkte beskikbaarheid van alkoholiese dranke (net soos in die res van die deelstaat Nevada) en sy vermaak-industrie wat op volwassenes gemik is. Las Vegas, wat vroeër ook as Sin City bekend gestaan het, het daarnaas 'n gewilde toneel vir rolprente en televisieprogramme geword.

Las Vegas is in 1905 gestig en ses jaar later amptelik as 'n stad geïnkorporeer. Danksy die vinnige ekonomiese groei het Las Vegas tot die grootste Amerikaanse stad ontwikkel wat in die 20ste eeu gestig is. Die stad is op 29 ná die volkrykste metropool in die VSA, en sy metropolitaanse gebied vorm met sowat twee miljoen inwoners een van die beduidendste demografiese sentrums in die Amerikaanse weste.

Die naam Las Vegas word in die VSA ook dikwels gebruik om na die nie-geïnkorporeerde gebiede van Clark County te verwys, 'n gebied wat die stad omsluit en baie van die ontspanningsgebiede langs en naby Las Vegas Strip behels. Die bekende Las Vegas Boulevard met 'n totale lengte van 4,5 myl (7,2 kilometer) loop grotendeels buite die stadsgebied deur die nie-geïnkorporeerde nedersettings Paradise, Winchester en Enterprise.

Verwysings[wysig]