Mensdom

in Wikipedia, die vrye ensiklopedie
Spring na: navigasie, soek
Hierdie artikel handel oor die betekenis van die woord "mensdom". Vir ander soortgelyke betekenisse, soos "die mens " as ‘n spesie, en "menslikheid" volg die betrokke skakel.

Die mensdom is 'n versamelnaam vir alle mense. Die mensdom is in staat om oor homself na te dink en ook om homself in andere se posisie in te dink. Voorts is die mensdom in staat tot die ontwikkeling van tegnologie, asook die daarstelling van wetenskaplike teorieë. Meer as enige ander biologiese spesie is die mensdom in staat om sy omgewing te verander, meestal tot sy eie voordeel. So kontroleer die mensdom byvoorbeeld lopende water deur middel van die konstruksie van damme, sekuriteit deur die bou van huise, hongersnood deur landbouproduksie, en siekte deur geneeskunde. Een van die belangrikste eienskappe van die mensdom is die ontwikkeling van taal om te kan kommunikeer. Die tegnologiese ontwikkelinge in die twintigste eeu het die mensdom in staat gestel om wêreldwyd, en omtrent onmiddellik, met mekaar te kommunikeer.

Die mensdom het verskillende kulture. Verskille in die kulture het al tot oorloë gelei en die grootskaalse uitwissing van medemense.

Die mensdom bestaan in 2006 na skatting uit 6½ biljoen mense. Dié hoë syfer behou nadele vir die omgewing in: besoedeling neem toe, en ander biologiese spesies sterf uit. Aan die ander kant, bevoordeel die mensdom se ekologiese sukses sekere spesies, soos die rot, die huiskat en diere waarmee geboer word, soos die skaap en bees.

Hierdie artikel is in sy geheel of gedeeltelik vanuit die Nederlandse Wikipedia vertaal.