Mes

in Wikipedia, die vrye ensiklopedie
Spring na: navigasie, soek
'n Knipmes
'n Botter- of tafelmes

'n Mes is 'n skerp stuk gereedskap wat gebruik word om mee te sny. Meeste messe het 'n handvatsel (hef) en 'n lem waarvan een of albei kante skerpgemaak is.

Die mes het 'n belangrike rol in die geskiedenis van die mens vervul. Dit is onder ander vir beskerming teen roofdiere gebruik, die bewerking van velle vir kleding en karkasse vir voedsel. Die eerste messe was nie veel meer as splinters rots met 'n skerp kant nie. Hierdie messe is later verfyn met beter vashouplek en skerper lemme. Moderne messe se lemme is gewoonlik van staal of ander metale vervaardig.

Messe kom in allerlei groottes en vorme voor. Eetgerei aan 'n tafel sluit gewoonlik 'n mes en vurk in. 'n Kombuismes sal vir die voorbereiding van voedsel gebruik word. Daarteenoor kan 'n knipmes rondgedra word vir los takies soos die kerf van biltong.

Omdat messe gevaarlik is moet dit altyd met groot omsigtigheid hanteer word om beserings te voorkom. Vir die rede word 'n mes altyd omgedraai en met die hef eerste na 'n ander persoon aangegee.

Sien ook[wysig]

Commons-logo.svg
Wikimedia Commons het meer media verwant aan:
Mes (kategorie)