Metamorfose van Narsissus

in Wikipedia, die vrye ensiklopedie
Spring na: navigasie, soek
Art template.png
Die skildery wat hier bespreek word, kan besigtig word by die webwerf van die Tate Modern, waar dit tans gehuisves word.

Metamorfose van Narsissus (1937) is 'n 511 x 781 mm olie op doek-skildery van die Spaanse surrealis Salvador Dalí. Die skildery is uit Dalí se Paranoïes-kritiese periode. Volgens Griekse mitologie het Narsissus op sy eie weerkaatsing in 'n poel water verlief geraak. Sy onvermoë om sy die waterige beeld te omhels lei daartoe dat hy wegkwyn en die gode hom as 'n blom verewig. Dalí het die skildery in 1937 voltooi tydens sy lankverwagte terugkeer na Parys nadat hy reuse sukses in die VSA behaal het.[1]

Die skildery vertoon Narsissus wat in 'n poel na onder sit en staar. Nie ver daarvandaan is 'n vervallende rotsfiguur wat nou met hom ooreenkom maar wat heel anders waargeneem word as 'n hand wat 'n bol of eier vashou waaruit 'n narsissus groei. In die agtergrond kan 'n groep naakfigure gesien word terwyl 'n derde narsissusagtige figuur op die horison verskyn.

Dalí het 'n lang gedig geskryf wat by die skildery pas. Metamorfose van Narsissus word tans in die Tate Modern in Londen uitgestal.

Verwysings[wysig]

  1. Tategallery, Métamorphose de Narcisse, Besoek op 17 Junie 2007