Nasionale Voyageurs-park
vanuit Wikipedia, die vrye ensiklopedie.
| Voyageurs National Park Nasionale Voyageurs-park |
|
|---|---|
| IUCN Kategorie II (Nasionale park)
|
|
| Ligging: | Minnesota (Verenigde State) |
| Koördinate: | 48°30’0’’N, 92°53’0’’W |
| Oppervlak: | 882 km² |
| Stigting: | 8 April 1975 |
| Beheer deur: | National Park Service |
Die Nasionale Voyageurs-park (Engels: Voyageurs National Park) is 'n nasionale park in die noorde van die Amerikaanse deelstaat Minnesota, naby die stad International Falls. Die park is in 1975 ter herdenking van die voyageurs gestig - Frans-Kanadese pelshandelaars wat as die eerste Europeërs gereeld deur die gebied gereis het.
Die park is veral gewild by hengelaars en watersportentoesiaste wat hier kajak-, kano- en ander boottoere onderneem. Die Kabetogama-skiereiland, wat heeltemaal in die park geleë is en die grootste deel van sy landoppervlakte beslaan, is slegs per boot toeganklik. Die Boundary Waters Kanogebiedwildernis (Engels: Boundary Waters Canoe Area Wilderness) lê oos van die nasionale park.
