Neu-Venedig
Neu-Venedig (letterlik "Nieu-Venesië") is 'n woonbuurt met talle naweekhuise in die Berlynse stadswyk Rahnsdorf. Die buurt is aan die Müggelspreerivier tüssen die mere Dämeritzsee en Müggelsee suid van die laan Fürstenwalder Allee geleë. Die Spreerivier vorm hier 'n klein rivierdelta en vertak in vyf kanale. Alle erwe in die buurt is regstreeks aan een van hierdie kanale geleë en beskik dikwels oor hul eie vasmeerplek of boothuis. In die DDR-era het talle funksionarisse van die Sosialistiese Eenheidsparty van Duitsland (SED) hier oor naweekhuise (DDR-Duits: Datschen) beskik.
Die gebied was oorspronklik 'n vleiland wat deel uitgemaak het van die landgoed Rahnsdorf en is in 1926 deur middel van kanale droog gelê. Sy naam is afgelei van die vyf kanale en die twaalf brûe wat daaroor gebou is. Neu-Venedig word in die ooste deur die straat Lagunenweg en in die weste en suide deur die Rialtoring omring. Die laasgenoemde straat loop oor vier brûe en het sy naam aan die Rialtobrug in Venesië te danke.
Verwysings [wysig]
- Hierdie artikel, of gedeeltes daarvan, is uit die volgende Wikipedia-artikel vertaal: Neu-Venedig
