Ovidius

Publius Ovidius Naso (20 Maart 43 v.C. – 17 of 18 n.C), algemeen bekend as Ovidius, was ’n Romeinse digter wat die bekendste is vir die Heroides, Amores en Ars Amatoria, drie groot versamelings erotiese gedigte, die Metamorfoses, ’n mitologiese heksameter-gedig, die Fasti, oor die Romeinse kalender, en die Tristia en Epistulae ex Ponto, twee gedigte wat hy in ballingskap aan die Swartsee geskryf het. Hy het ook ’n verlore tragedie, Medea, en ander kleiner werke geskryf.