Pikkewyn-eilande

in Wikipedia, die vrye ensiklopedie
Spring na: navigasie, soek
Pikkewyn-eilande
Inheemse naam: Pikkewyn-eilande, Penguin Islands, Pinguininseln
Duitse Kaart van 1905
Duitse Kaart van 1905
Geografie
Ligging Namibië, Atlantiese Oseaan
Koördinate 26°30′S 15°00′O
Totale eilande 15
Hoofeilande Possession-eiland
Oppervlak 2,35 vk km
Administrasie
Vlag van Namibië Namibië
Kaart van die Pikkewyn-eilande, met die Kaapkolonie, 1911.

Die Pikkewyn-eilande (Duits: Pinguininseln, Engels: Penguin Islands) is 'n groep klein eilande en rotse wat langsaan die kus van Namibië lê en wat voorheen deel van Suid-Afrika was. Die groep strek vir 355km aan die Atlantiese kuslyn van Namibië uit. Die grootste eiland is Possession-eiland met 'n oppervlakte van 0.9km².

Tussen 1861 en 1867 is die eilande, wat ryk aan ghwano is, deur die Britse Ryk geannekseer en is toe by die Kaapkolonie in 1873 ingelyf. In 1886 het Duitsland hierdie status erken en dus was die eilande nooit deel van Duits-Suid-Wes Afrika nie.

In 1990 het Namibië onafhanklikheid van Suid-Afrika gekry, maar die eilande het onder Suid-Afrikaanse beheer gebly. Na onderhandelings is die eilande uiteindelik op 28 Februarie 1994 saam met Walvisbaai aan Namibië oorhandig.