Rasionele getal
vanuit Wikipedia, die vrye ensiklopedie.
In wiskunde is 'n rasionele getal 'n getal wat uitgedruk kan word as 'n verhouding van twee heelgetalle. Rasionele getalle wat nie heelgetalle is nie (gewoonlik breuke genoem) word gewoonlik geskryf as die gewone breuk a / b waar b ongelyk is aan nul. a word die teller genoem en b die noemer genoem.
Elke rasionele getal kan op 'n oneindige aantal maniere uitgedruk word, soos 3 / 6 = 2 / 4 = 1 / 2 maar is in sy vereenvoudigde vorm wanneer a en b geen gemene deler behalwe 1 het nie. Elke nie-nul rasionele getal het presies een vereenvoudigde vorm van dié aard met 'n positiewe noemer. 'n Breuk in hierdie vereenvoudigde vorm word 'n gereduseerde breuk genoem.
Die desimale uitbreiding van 'n rasionele getal is uiteindelik periodies. (In die geval van 'n eindige uitbreiding, vorm die nulle wat implisiet volg die periodiese gedeelte.)
'n Reële getal wat nie 'n rasionele getal is nie word 'n irrasionele getal genoem.
[wysig] Eksterne skakels
[wysig] Bronne
James, G. en James, R.C. (1960) "Rational Number" In: Mathematics Dictionary. Princeton, New Jersey : Van Nostrand. bl. 324
