Reënmeter

in Wikipedia, die vrye ensiklopedie
Spring na: navigasie, soek
'n Reënmeter.

'n Reënmeter is 'n instrument wat deur meteoroloë en hidroloë gebruik word om neerslag gedurende 'n bepaalde periode op te vange en te meet. Die hoeveelheid neerslag word in millimeters aangedui. Een millimeter kom ooreen met 1 liter water per vierkante meter.

Eenvoudige reënmeters word gewoonlik van glas of 'n deursigtige plastiek gemaak. Die reënmeter bestaan uit 'n bottel of fles waarin die neerslag opgevang word. Sommige reënmeters is gekalibreer (in millimeters uitgemeet) sodat die hoeveelheid neerslag direk afgelees kan word. Die deursnee van die opening aan die bokant moet representatief wees vir die aantal gevalle millimeter neerslag.

Water wat in 'n reënmeter opgevang is.

In 'n professionele opstelling behoort die reënmeter vrystaande te wees sodat dit nie onder of naby hoë voorwerpe soos geboue en bome staan nie. Die bokant van die tregter moet ongeveer 40 cm bo die grondvlak wees. Die hoeveelheid neerslag moet minstens eenmaal per dag gemeet word om verdamping sover moontlik teen te werk.

As die neerslag nie reën is nie, soos byvoorbeeld met ys of sneeu, word 'n ingeboude verwarmer gebruik om die neerslag te smelt. Nadat dit gesneeu het kan die hoogte van die sneeu ook gebruik word om die aantal millimeters te bepaal. Een sentimeter sneeu is ongeveer gelyk aan een millimeter gesmelte water.

Commons
Wikimedia Commons het meer media verwant aan:
Reënmeters (bladsy)