Rubjerg Knudevuurtoring
Rubjerg Knudevuurtoring (Rubjerg Knude Fyr) is aan die kus van die Noordsee in Rubjerg geleë, in die Jutlandmunisipaliteit van Hjørring in Noord-Denemarke. Dit het op 27 Desember 1900 inwerking getree. [1] Die aanbou van die vuurtoring het in 1899 begin.
Die vuurtoring is bo-op Lønstrup Klint (Krans), 60 meter bo seespieël, opgerig. Tot 1908 is hy aangevuur deur gas wat van 'n nabygeleë gasfabriek afkomstig was. .[2]
Lopende sandduine en stranderosie is 'n ernstige probleem. Die kus erodeer teen gemiddeld 1,5 meter per jaar, wat die duidelikste opgemerk kan word by die nabygeleë Mårupkerk [1]. Toe die kerk in ongeveer 1250 gebou is, was dit 1 kilometer van die kus geleë, [3], maar is in 2008 gesloop om te voorkom dat die huis van gebed in die see sal stort.
Die vuurtoring het in 1 Augustus 1968 gesluit [2][4]. Vir 'n klompie jare is die geboue gebruik as 'n museum en koffiehuis ingespan, maar die lopende sand het oplaas veroorsaak dat dit in 2002 ontruim moes word. [2] Teen 2009 was die kleiner geboue erg onder die druk van die sand beskadig [4] en is later verwyder.
[wysig] Besoek ook
[wysig] Verwysings
- ^ 1,0 1,1 Rubjerg Knude området, Vendsyssel Historiske Museum, Miljøministeriet Naturstyrelsen Vendsyssel (da)
- ^ 2,0 2,1 2,2 Description of lighthouse Danish Museums Online. Retrieved September 6, 2011
- ^ Mårup Church's history Vendsyssel Historiske Museum, Hjørring, Denmark. Retrieved September 8, 2011
- ^ 4,0 4,1 Description of lighthouse Lighthouse Duo. Retrieved September 6, 2011
[wysig] Eksterne skakels
- Rubjerg Knude Vendsyssel Historiske Museum, Hjørring, Denmark
