Sakefunksies

in Wikipedia, die vrye ensiklopedie
Spring na: navigasie, soek

Daar is agt sakefunksies wat met die studie wat bedryfsekonomie verband hou, naamlik die menslike hulpbronnefunksie, die algemene bestuursfunksie, die administrasie- en inligtingsfunksie, die aankoopfunksie, die produksiefunksie- en bedryfsfunksie, die finansiële funksie, die openbare betrekkinge-funksie, en die bemarkingsfunksie.

Die manier waarop die verskillende funksies vervul word, kan verskil na gelang van die grootte van die onderneming.

Dit is ook belangrik om daarop te let dat daar ook 'n oorkoepelende bestuursfunksie moet bestaan wat die afsonderlike sakefunksies koordineer - hierdie funksie lê by die top bestuur.

Die meeste ondernemings het ook dan 'n winsdoelwit wat hul nastreef binne 'n raamwerk van volhoubaarheid en om 'n goeie burger van die samelewing waarbinne hul werk, te wees.

Die doel wat 'n ondernemeing nastreef is om 'n wins te verkry deur die daarstelling van produkte en/of dienste waaraan die verbruiker 'n waarde sal heg wat groter is as die koste wat aangegaan is om dit te produseer. Die kostes waarna verwys word is die grondstowwe benodig (soos grond), kapitaal, arbeid en entrepreneurskap. Die vergoeding wat die firma vir die gebruik van hierdie produksiemiddele betaal is onderskeidelik - huur, rente, lone en wins. Hierdie produksiemiddele word deur indivdue of individuele huishoudings besit en word aan firmas beskikbaar gestel teen hierdie vergoeding.