Save Venice Inc.
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Save Venice Inc. (SV) is 'n Amerikaanse weldadigheidsorganisasie wat in Desember 1971 in die lewe geroep is om die argitektoniese en kunserfenis van Venesië te restoureer en vir die nageslag te bewaar. Die organisasie het sy hoofkwartier in New York, met 'n kantoor in Venesië, 'n aktiewe filiaal in Boston en ondersteuners elders in die Verenigde State en Europa.
Save Venice Inc. organiseer 'n verskeidenheid kulturele en opvoedkundige aktiwiteite om fondse vir die bewaring van Venesiaanse kuns en argitektuur in te samel en die publiek bewus te maak van die uitdagings wat Venesië se boukuns en kunsskatte in die gesig staar - soos sy jaarlikse maskerballe (die Ballo in Maschera in New York), opvoedkundige toere en lesings en tweejaarlikse gala-aande in Venesië (die Gran Gala a Venezia). Sedert sy stigting het SV meer as 500 Venesiese kunswerke en geboue gerestoureer.[1]
In 2015 het Save Venice die Rosand Library & Study Center in Venesië gevestig wat as aanlooppunt vir navorsing in verband met Venesiaanse kuns, geskiedenis en bewaring dien. Die organisasie stel ook beurse en fondse vir navorsers, uitstallings en publikasies beskikbaar om Venesiaanse studies en die bewaring van die stad se kunsskatte te bevorder.