Terri Schiavo

in Wikipedia, die vrye ensiklopedie
Spring na: navigasie, soek

Theresa Marie Schiavo (geb. 3 Desember 1963), algemeen bekend as Terri Schiavo (uitgespreek SJIE-wô), is 'n Amerikaanse vrou vanuit St. Petersburg, Florida wat ernstige breinskade opgedoen het ná 'n hartaanval op 25 Februarie 1990, wat aangewakker is deur bulimie. Die pogings van Schiavo se man om haar gastriese voedingsbuis te verwyder het 'n hewige debat ontketen oor bio-etiek, genadedood, wettige voogskap, federalisme en burgerlike regte. Op Vrydag, 18 Maart 2005 is haar voedingsbuis onder hofbevel verwyder. Sonder ingryping sal dit tot haar dood deur dehidrasie ly. Die gebrek aan waterinname veroorsaak 'n elektrolietwanbalans wat tot 'n hartaanval (myokardiale infarksie) lei, wat op sy beurt tot hartstilstand lei wat die dood veroorsaak. Neuroloë is van mening dat dit heel moontlik pynloos sal wees, gegewe Schiavo se fisieke toestand.[1]

Om die buis te vervang sal twee ure verg om haar te vervoer vanaf die Pinellas Park sorghuis na 'n nabygeleë hospitaal, waarna 'n operasie en 'n aantal dae se hospitalisasie benodig sal word om haar elektrolietbalans se herstel.[2]

Michael Schiavo, Mev. Schiavo se man en wettige voog, hou voor dat hy sy vrou se wense uitvoer deur haar nie lewendig te hou in haar huidige toestand nie. Mev. Schiavo se ouers, Bob en Mary Schindler, asook hulle kinders, trek Mnr. Schiavo se posisie in twyfel, en argumenteer dat Terri reageer op stimuli en in geen ongemak verkeer nie, asook dat sy nie sou wou doodgaan nie. Die howe wat hierdie saak aangehoor het, het almal uitsprake in Mnr. Schiavo se guns gelewer, maar haar ouers het appèl aangeteken teen al die besluite en probeer om die verbod op lewensondersteuning te verhoed.

Een van die resultate van hierdie saak is dat Amerikaners 'n groter belangstelling in lewende testamente toon. Regskenners is van mening dat die hele hofgeveg verhoed kon word indien Schiavo haar wense korrek gedokumenteer het voor haar ineenstorting.

Verwysings[wysig]