Tuileries-paleis

in Wikipedia, die vrye ensiklopedie
Spring na: navigasie, soek
Die Tuileries-paleis.

Die Tuileries-paleis (Frans: Palais des Tuileries) was ’n koninklike paleis in Parys wat op die regteroewer van die Seine-rivier geleë was. Dit was die Paryse woning van die meeste Franse monarge, van Hendrik IV tot Napoleon III, totdat dit in 1871 in onluste verwoes is.

Dit is in 1564 gebou en geleidelik uitgebrei totdat dit die westekant van die Louvre se binnehof afgesluit het. Sedert die verwoesting van die Tuileries is die Louvre-binnehof oop; dit is nou die ligging van die oostelike deel van die Tuileries-tuin.