Uncyclopedia

vanuit Wikipedia, die vrye ensiklopedie.

Uncyclopedia, 'n inhoudvrye ensiklopedie, is 'n satiriese parodie van Wikipedia in Engels en ander tale. Die wiki verskaf humoristiese en satiriese artikels van spesifieke temas en is gerig op vermaak eerder as om inligting weer te gee.

Dit is op 5 Januarie 2005 begin deur Jonathan Huang, oftewel Chronarian, en 'n ongenoemde helper. Die logo is 'n uitgeholde aartappel in teenstelling met Wikipedia se aardbol.

Huang het op 10 Julie 2006 die domein uncyclopedia.org aan Wikia, Inc. oorgedra.

'n Afrikaanse Onsinklopedie bestaan nog nie. Dit bestaan wel reeds in ongeveer 40 ander tale as Engels.