Uraniniet

Uraniniet is 'n radioaktiewe, uraanryke mineraal en erts. Die chemiese samestelling daarvan is grotendeels UO₂, maar dit bevat ook UO₃ en ander oksiedes van lood, torium en skaars aardmetale. Dit staan algemeen bekend as pikblende (pik, omdat dit 'n swart kleur het, en blende, 'n uitdrukking wat die Duitse mynwerkers aan minerale toegeken het wat skynbaar metaal bevat, maar waarvan die benutting op daardie tydstip van die benaming, nóg moontlik nóg ekonomies lewensvatbaar was).