Voorsetsel

'n Voorsetsel (of preposisie) is 'n woordsoort wat gebruik word om posisie of die verband tussen verskillende elemente aan te dui. Voorbeelde van voorsetsels is:

op, onder, langs, aan, by, deur, in, naas, om en tussen.

Betekenis

As voorsetsels alleen staan, het dit geen betekenis nie.

• Bv. op, onder, langs, naby, teenoor, bo-oor, ensovoorts (geen betekenis).

Voorsetsels het slegs betekenis as dit saam met ander woord(e) gebruik word:

• Bv: onder die boom; op die stoel, langs die kas, ens. (meer betekenis)

Voorbeelde

• Die vrou staan langs die rooi motor.
• Ons ry elke dag met die trein.
• Kyk hoe lekker spring sy oor die tou!
• Hy praat al te lekker oor die foon.