Wikipedia:Gebruikersblad

in Wikipedia, die vrye ensiklopedie

Elke geregistreerde gebruiker het 'n gebruikersblad. Hierdie bly egter die eiendom van die Wikimedia-stigting en daar is 'n paar moets en moenies wat mens in gedagte moet hou wanneer jy jou eie (of iemand anders) se gebruikersblad wysig.

Wat is wat

Wat mag ek (nie) op my gebruikersblad plaas (nie)?

Wikipedia is 'n internetensiklopedie, maar omdat die "redaksielede" nie saam in 'n kantoor sit nie, maar oor die hele wêreld versprei is, is dit handig dat hulle 'n klein ruimte het waar hulle hulself kan voorstel. Daarvoor is die gebruikersbladsye beskikbaar gestel.

'n Willekeurige besoek aan 'n aantal gebruikersbladsye wys gou dat die meeste mense 'n klein stukkie oor hulleself, hulle belangstelling en hul bydraes en projekte op Wikipedia plaas. Dikwels word die ruimte ook gebruik om 'n aantal meninge rakend Wikipedia uit te spreek.

Op Wikipedia:Wat Wikipedia nie is nie staan:

Persoonlike webwerwe. Wikipediane het hulle eie gebruikersbladsye, maar die bladsye mag slegs gebruik word om inligting wat verwant is aan Wikipedia en hul bydraes hier te vertoon. Indien u 'n persoonlike webwerf of webjoernaal wil skep, is u welkom om een van die talle gratis verskaffers te gebruik wat tans op die Internet verkrygbaar is. Die fokus van gebruikersblaaie is nie om sosiaal te verkeer nie, maar om 'n basis vir effektiewe samewerking te skep.

Dit is dus uitdruklik nie die bedoeling om inligting wat heeltemal niks met Wikipedia uit te waai het op jou gebruikersbladsy te plaas nie. Gebruikers het oor die algemeen baie met Wikipedia uit te waai, dus geld 'n inleiding oor hulself as 'n uitsondering.

Gebruikers wat geen of nouliks geen bydraes gelewer het nie, behoort ook nie 'n gebruikersbladsy te hê nie.

Behalwe vir 'n identifiserende foto van die betrokke gebruiker, behoort alle ander afbeeldings ensiklopedies van aard te wees (dus nie jou vakansiekiekies van jou familie nie).

Teks of beelde wat die reputasie van Wikipedia kan beskadig sal verwyder word, byvoorbeeld geweldadige, rassistiese, seksistiese of pornografiese of dergelike materiaal.

Wat mag ek (nie) op my gebruikersbesprekingsblad plaas (nie)?

'n Besprekingsblad is bedoel vir besprekings: dit is waar ander gebruikers jou vrae sal stel of opmerkings sal maak wat betrekking tot Wikipedia en/of jou bydraes hier het. Dit is gebruiklik om 'n bespreking op dieselfde bladsy voort te sit waar dit begin is, dus moet jy 'n gebruiker se besprekingsblad op jou dophoulys plaas sodat jy kan sien wanneer daar 'n antwoord gegee is. Elke spreekbeurt word met 4 tildes (~~~~) onderteken, sodat die naam van die skrywer en die datum outomaties geplaas word.

Dit is nie die bedoeling om ander gebruikers se kommentaar aan te pas of te "proeflees" nie, hetsy dit op "jou" besprekingsblad of op ander besprekingsbladsye is.

Ou besprekings kan na subbladsye geskuif word om dit te argiveer, maar dan moet daar wel bo-aan die besprekingsblad skakels na die argiewe geplaas word.

Kan ek ook 'n subbladsy skep?

Inderdaad. Subbladsye is baie handig vir artikels waaraan nog getimmer word, as 'n persoonlike sandput waarin geëksperimenteer word, of ander nuttige, Wikipedia-verwante sake wat nie op die gebruikersblad pas nie. 'n Subbladsy kan as deel van die gebruikersbladsy of die gebruikersbesprekingsbladsy geskep word, byvoorbeeld

Gebruiker:Gebruikersnaam/Sandput

of

Gebruikerbespreking:Gebruikersnaam/Toetsartikel

Sien ook