Wikipediabespreking:Redigeer

Waar kan 'n mens persone ontmoet wat bereid sal wees om die taalgebruik van 'n bankstelsel na te gaan? U kan my hier kontak http://www.tillcor.com/talente/welkom.htm

Ek stem nie saam met die verandering van besonders -> besonders nie. Kan iemand miskien verduidelik wat vir hulle die verskil is? Soos ek dit het kan besonder "spesifiek" beteken (bv. die besondere geval) of kan 'n byvoeglike naamwoord beskryf (bv. besonder versigtige operasie). Het ek dit mis? --Alias 21:16, 5 Jun 2005 (UTC)

Veranderinge op hierdie en die Wikipedia: Hulpblad

Ek het (sekerlik mallerig ook) die perd opgesaal om die blou "hulp"-skakel, onder die "navigasie"-hofie op die standaard Wikipedia-blaai, in lyn met die eweknie op en:Wikipedia te begin kry. Ek gaan eers begin deur my interpretasie van die vertalings van die skakels op die soortgelyke Engelse blad weer te gee. Ek sien ook nou ek het eintlik die bespreking op die verkeerde blad, want ek het begin om wat ek hier bespreek te doen op die Wikipedia:Help bladsy. In alle geval, ek weet dat sommige van hierdie subskakels alreeds as aparte artikels bestaan. In so 'n geval, as u hou van my vertaling, hou dit hier so en stuur dit eenvoudig aan na die bestaande bladsy. Indien myne maagpyn gee, verander dit bloot na die korrekte bestaande skakelnaam. Ek hoop om die subskakels op hierdie bladsy so gou doenlik na aktiewe Afrikaanse artikelbladsye te rig. Help gerus as u daarvoor lus is! Ek verwag 'n hewige volume van bespreking, ten minste oor die hele beginsel dat ons hoegenaamd so iets moet aanpak, siende dat die goed-ontwikkelde anderstalige Wikipedia's heel toeganklik is met hulle hulpbladsye. Hierdie poging minag nie die reuse hoeveelheid werk wat die veterane van die Afrikaanse Wikipedia reeds gedoen het nie, maar probeer dit bloot sinvol aanvul en inmekaarsmelt. --Nomdeplume 16:44, 27 April 2006 (UTC)

Is ons "geselshoekie" die eweknie van "en:Village Pump", of het ons nog nie 'n "dorpsput" (of dorps-watergat, dorpstoep, koöperasiestories) geskep nie? Die Engelse village pump lyk na 'n plek van beleids- en tegniese besprekings, en is dit wat ons "geselshoekie" is? --Nomdeplume 17:08, 27 April 2006 (UTC)

En na aanleiding van 'n gesprek met Alias hieroor op Wikipediabespreking:Help wil ek net byvoeg:dis op die oomblik nog onder konstruksie. Sodra ek met die basiese vertaalwerk reg is, versteek ek die skakels wat ons nie kan voorsien nie, of diegene wat na nêrens lei nie. Soos wat ons ontwikkel, kan 'n gebruiker in die toekoms dan net die reeds vertaalde skakel ontbloot en die werk daaraan in daardie nuwe-artikelskakel doen. Ek dink dis beter as wat ons in die toekoms gaan begin hulpartikels doen, maar dan nie mooi weet waar om hulle te sit, sodat andere dit kan vind nie, soos byvoorbeeld Hulp:Permanente skakel. Op my beplande manier, kom dié artikel binne die volgende rukkie mooi op sy georganiseerde plek. --Nomdeplume 23:24, 27 April 2006 (UTC)