Christia Visser

Christia Visser, gebore op 2 Maart 1992, is in Kaapstad gebore en het haar grootwordjare deurgebring in Swellendam. Sy het matrikuleer aan die Hoërskool Swellendam en na skool het sy toneel verder studeer by Act in Kaapstad. Christia het ook sanglesse by Koba Wicomb geneem en dans van die ouderdom van agt af.

Loobaan as aktrise

In 2013 maak sy haar debuut as professionele aktrise op die verhoog by die KKNK en Aardklop Kunstefees in Nicola Hanekom se toneelstuk, Land van Skedels. Haar eerste professionele rolprent was die rol van Lena Aucamp in Leon van Nierop se Ballade vir ʼn Enkeling. Sy het ʼn hoofrol in Hollywood in my huis, waarvoor sy ʼn Silwerskerm-toekenning gewen het, asook ʼn Peoples Choice-toekenning in 2014.

Christia het die rol van Lillie vertolk in die televisiereeks, Die Boekklub. Sy het ook die hoofrol in die rolprent Tess vertolk, waar haar talent as aktrise sterk na vore kom. Christia het ook die hoofrol vertolk van die dokumentêr, Alison, in 2016 wat op die ware gebeure gebaseer is van Alison Botha.

Films en Televisie

• Rolprent: The Perfect Wave – vertolk die rol van ʼn verpleegster (2014)

• Kortfilm: Touchy Feely – vertolk die rol van die meisie (2014)

• Televisiereeks: Dominion, vertolk die rol van ʼn jong vrou (2014)

• Rolprent: Hollywood in my huis – vertolk die rol van Jana van Tonder (2014)

• Rolprent: Ballade vir ʼn Enkeling – vertolk die rol van Lena Jr. (2015)

• Film vir televisie: Zum Teufel mit der Wahrheit (2015)

• Film vir televisie: Super-Dad – sy vertolk die rol van Larissa (2015)

• Film vir televisie: Sunet (2015)

• Dokumentêre film: Alison – vertolk die rol van Alison (2016)

• Rolprent: Tess – vertolk die rol van Tess (2016)

• Film vir televisie:  Planet of the Sharks – vertolk die rol van Dr. Caroline Munro (2016)

• Kortflim: Die Bok – vertolk die rol van Susan (2016)

• Rolprent: Girl from Nowhere – vertolk die rol van Liza (2017)

• Televisiereeks: Die Boekklub – vertolk die rol van Lillie (2017)

• Televisiereeks: Knapsekêrels – vertolk die rol van Addie (2018)

• Televisiereeks: Troy: Fall of a City – vertolk die rol van ʼn diensmeisie (2018)

• Televisiereeks: Onder die Suiderkruis – vertolk die rol van Jane Tredoux (2018)

• Televisiereeks: NoupadFM – vertolk die rol van Katrien (2018)

• Rolprent: Die Recce – vertolk die rol van Nicola Viljoen (2018)

• Film vir televisie: Dead in the water – vertolk die rol van Sparks (2018)

• Televisiereeks: Die Spreeus – vertolk die rol van Liani (2019)

• Televisiereeks: Fynskrif – vertolk die rol van Adele (2019)  

Loopbaan as sangeres

In 2019 stel sy haar eerste enkelsnit 17 Shots vry en later die jaar ook Die Deur. Die klank van haar musiek is nie ʼn tipiese pop-klank nie en dit spreek tot ʼn breë gehoor. Oor haar debuut-enkelsnit, 17 Shots, het sy aan die vrouetydskrif Rooi Rose gesê:

“17 Shots” gaan oor 17 redes hoekom ek/ʼn mens soms voel jy wil weghardloop. Dit gaan oor shots wat die lewe uitdeel en dan wil jy jou sorge soms net in goeie tye verdrink. Dit gaan daaroor dat dit nie ʼn werkbare oplossing is nie, want as jy dit doen, vind jy jouself nie, jy verloof jouself, en vergeet net vir ʼn klein rukkie. Die lirieke kom uit my hart, dis persoonlik, en ek hoop die gehoor sal dit voel en hulle miskien ook daarmee kan vereenselweig.“

Enkelsnitte

• 17 Shots (2019)

• Die Deur (2019)

Toekennings

• Silwerskerm-toekenning: Beste Aktrise (Hollywood in my huis) (2014)

• Peoples Choice-toekenning: Beste Aktrise (Hollywood in my huis) (2014)

Bronnelys

• https://www.imdb.com/name/nm5339544/bio

• https://briefly.co.za/44859-christia-visser-age-measurements-family-movies-nominations-songs-album-profiles.html

• https://www.rooirose.co.za/christia-visser-gesels-oor-haar-eerste-enkelsnit-17-shots-en-die-opwindende-jaar-wat-voorle/