Verbruiker

'n Verbruiker is 'n persoon wat die produkte en dienste koop wat deur sakeondernemings aangebied word. Verbruikers is 'n baie belangrike deel van die markomgewing. Ondernemings kan slegs sake doen wanneer daar verbruikers is wat die produk of diens van die onderneming sal koop.

Verbruikers het behoeftes wat bevredig moet word. Hierdie behoeftes kan primêre behoeftes wees wat noodsaaklik vir lewe is, of sekondêre behoeftes (begeertes) wat luukshede is.

Die sielkundige Abraham Maslow het 'n teorie van menslike motivering ontwikkel. Hy het 'n hiërargie van behoeftes opgestel en die behoeftes in vyf kategorieë verdeel. Maslow se hiërargie van behoeftes is nuttig om te oordeel watter produkte en dienste spesifieke verbruikers moontlik wil hê. 'n Persoon sal eers die basiese behoeftes bevredig voordat hy na die volgende vlak beweeg.

Verwysings

• Dinamiese Bedryfstudies deur Esterhuyse · Horn · Liebenberg, Kagiso, 2005