Wys bron van Aardkern

[[Beeld:Earth-crust-cutaway-af.svg|thumb|400px|Die lae van die Aarde en sy atmosfeer.]]
Die '''aardkern''' is die binnenste deel van die [[Aarde]]; dit strek van die onderkant van die [[aardmantel]] op ’n diepte van sowat 2&nbsp;900&nbsp;[[kilometer|km]] tot by die middelpunt van die Aarde op ’n diepte van ongeveer 6&nbsp;370&nbsp;km. Die aardkern omvat 16% van die [[volume]] van die Aarde en 32% van die [[massa]].

Met [[seismologie]]se ondersoeke is vasgestel dat die [[digtheid]] van die Aarde op 2&nbsp;900&nbsp;km skielik toeneem, van ongeveer 5&nbsp;500 tot {{val|10000|ul=kg/m3}}, wat dui op ’n skielike verandering van die [[chemie]]se samestelling. Die kern bestaan grotendeels uit [[nikkel]][[yster]]. Die grens tussen die mantel en kern word die [[Wiechert-Gutenberg-diskontinuïteit]] genoem.

Die aardkern word verdeel in ’n [[Vaste stof|vaste]] binnekern en ’n vloeibare buitekern.

==Buitekern==
Die feit dat longitudinale [[P-golf|P-golwe]] (primêre of drukgolwe) wel deur die buitekern voortgeplant word, maar transversale [[S-golf|S-golwe]] (sekondêre golwe) nie, dui daarop dat die nikkelyster in die buitekern grotendeels vloeibaar is. [[Konveksie]]strome in die buitekern is verantwoordelik vir die opwekking van die [[Aardmagnetisme|Aarde se magneetveld]]. Twee prosesse is vir die konveksie in die buitekern verantwoordelik:
*Die belangrikste is waarskynlik die gedeeltelike stolling van vloeibare buitekernmateriaal op die binnekern. Veral die swaarder [[element]]e word afgeset en ’n ligter residu bly oor. Dit het die neiging om te styg in die swaarder omringende buitekernmateriaal.
*’n Tweede oorsaak is die oordrag van hitte deur die materiaal bo in die buitekern aan die [[aardmantel]]. Hierdeur koel dit af en word dit swaarder, waardeur dit na onder sink.

==Binnekern==
Die [[Denemarke|Deense]] seismoloog [[Inge Lehmann]] het in 1936 aangetoon dat die binnekern (op ’n diepte van tussen 5&nbsp;110 en 6&nbsp;370&nbsp;km) wel weer vas is. Ondanks die baie hoë temperatuur van sowat 5&nbsp;800&nbsp;[[Kelvin|K]] is die yster hier vas vanweë die baie hoë [[druk]], wat in die middel tot 3&nbsp;500&nbsp;000 [[atmosfeer (eenheid)|atmosfeer]] styg. Met ’n onlangse ondersoek (op 3&nbsp;Desember 2012) deur die [[Frankryk|Franse]] instituut [[Centre national de la recherche scientifique|CNRS]] is vasgestel dat die temperatuur in die binnekern tot sowat 6&nbsp;000&nbsp;K styg. 

Die binnekern as geheel ondervind geen [[swaartekrag]] nie, omdat dit van alle kante deur dieselfde hoeveelheid massa omring word.

==Skakels==
{{CommonsKategorie-inlyn|Earth's core}}
{{vertaaluit| taalafk = nl | il = Aardkern }}

{{Normdata}}
[[Kategorie:Indeling van die Aarde]]