Sykniptang

in Wikipedia, die vrye ensiklopedie
(Aangestuur vanaf Diagonale sykniptang)
Jump to navigation Jump to search
'n Ouer tipe sykniptang met nie-geïnsuleerde handvatsels.
'n Sykniptang met geïnsuleerde handvatsels. Let op die veertjie tussen die handvatsels wat die bek weer laat oopspring na die knipaksie.

'n Sykniptang of diagonale kniptang (Engels: side cutter of diagonal pliers) is 'n spesiale tang met skerp vlakke wat deur materiaal kan sny. Die tang se snyvlak is skuins (diagonaal) aan die kant geplaas.

Die tang word gebruik om draad te knip of die plastiekomhulsel om elektriese draad af te stroop. Die sykniptang word veral in elektriese installasies gebruik om die individuele drade van 'n kabel te sny. Deur hefboomkrag is dit moontlik om deur baie dik draad (groter as 2,5 mm²) te sny indien die draad so na as moontlik aan die tang se handvatsels geplaas word.