Wys bron van Edmund de Beer

{{Inligtingskas Predikant
| Naam                      = Edmund Zacharias Johannes
| Beeld                     = Ds Edmund de Beer.jpg
| Beeldbeskrywing           = Ds. E.Z.J. de Beer
| Beeldonderskrif           = Ds. E.Z.J. de Beer
| Geboortenaam              = Edmund Zacharias Johannes de Beer
| Geboortedatum             = [[25 Februarie]] [[1841]]
| Geboorteplek              = [[Queenstown]], [[Kaapkolonie]]
| Sterftedatum              = [[25 Mei]] [[1918]]
| Sterfteplek               = [[Pietermaritzburg]], [[Natal]]
| Kerkverband               = [[Nederduitse Gereformeerde Kerk|Nederduits Gereformeerd]]
| Gemeente                  = [[NG gemeente Dordrecht|Dordrecht]], [[NG gemeente Drieankerbaai|Drieankerbaai]], [[Barberton]], [[NG gemeente Pietermaritzburg|Pietermaritzburg]] 
| Jare aktief               = 1864-1906
| Kweekskool                = [[Kweekskool]], [[Stellenbosch]]
| Sendingwerk               = 
}}

Ds. '''Edmund Zacharias Johannes de Beer''' ([[Queenstown]], [[25 Februarie]] [[1841]] – [[Pietermaritzburg]], [[25 Mei]] [[1918]]) was ’n predikant in die [[Nederduitse Gereformeerde Kerk]] en een van die eerste vier studente wat hulle in 1858 ingeskryf het om hulle aan die [[Kweekskool]] op [[Stellenbosch]] as NG predikant te bekwaam.

== Herkoms en opleiding ==
De Beer was die seun van Samuel Jacobus en Martha Maria Magdalena de Beer (nooiensvan nie verstrek). Sy vader het ’n leidende rol gespeel in die distrik [[Cradock]], waaronder [[Queenstown]] destyds geval het en was lid van die Queenstownse Afdelingsraad (’n vroeë voorloper van die huidige distriksrade). De Beer ontvang sy skoolopleiding op Queenstown en gaan daarna na [[Stellenbosch]], waar hy as een van die eerste vier studente van die [[Kweekskool]] op [[29 Desember]] [[1862]] kandidaat in die teologie word. Die eerste vier studente aan die Kweekskool was: 
* [[Charles Morgan|C.S. Morgan]], later predikant van [[NG gemeente Middelburg, Kaap|Middelburg, Kaap]], [[Rouxville]], [[Bloemfontein]] en [[Robbeneiland]]. Oorlede [[29 Augustus]] [[1919]].
* W. Robertson, later predikant van St. Stephen's, [[Tulbagh]], [[Calvinia]] en [[Petrusburg]]. Oorlede [[21 Januarie]] [[1913]].
* Willem Petrus Rousseau, later predikant van [[Clanwilliam]], [[NG gemeente Vishoek|Simonstad]], [[Hopetown]], [[NG gemeente Albanie|Albanie]] en [[NG gemeente Pietermaritzburg|Pietermaritzburg]]. Oorlede [[8 Julie]] [[1903]].

[[Lêer:Ds EZJ de Beer.jpg|duimnael|265px|links|Ds. De Beer tydens sy dienstyd as leraar van die [[NG gemeente Drieankerbaai]].]]

== Gemeentelike bediening ==
Ná sy legitimering op [[2 Maart]] [[1864]] ontvang ds. De Beer twee beroepe: een na [[NG gemeente Kroonstad|Kroonstad]] in die destydse [[Oranje-Vrystaat]] en een na die [[NG gemeente Dordrecht]] in die Noordoos-Kaap. Hy neem laasgenoemde aan en word op [[10 September]] [[1864]] daar bevestig. In dié tyd word die [[Gereformeerde kerk Dordrecht]] op [[6 Maart]] [[1869]] van die [[Gereformeerde kerk Burgersdorp|Burgersdorp]] afgestig. Ds. De Beer vertrek hierna na die [[Kaapstad|Moederstad]] en word op [[28 Februarie]] [[1878]] op [[NG gemeente Vishoek|Simonstad]] bevestig. ’n Jaar of twee later aanvaar hy egter die beroep na die kort vantevore gestigte [[NG gemeente Drieankerbaai]] in die voorstad [[Seepunt]] waar hy bevestig word op [[8 Oktober]] [[1880]]. Hierna volg [[Barberton]] in die destydse [[Zuid-Afrikaansche Republiek]] van [[27 Augustus]] [[1898]] en die [[NG gemeente Pietermaritzburg]] van [[29 Februarie]] [[1904]] tot hy op [[25 Februarie]] [[1906]] sy emeritaat op sy 65ste verjaardag aanvaar.

Hy bly in die [[KwaZulu-Natal|Tuinkolonie]] aan en as ouderling van die [[Pietermaritzburg]]se moedergemeente word hy afgevaardig na die Sinodesittings van die Natalse Kerk. Hy ondersteun die afskaffersbeweging, ’n oortuiging wat sekerlik aangewakker is deur die invloed van prof. [[Nicolaas Hofmeyr]], een van sy professore aan die [[Kweekskool]]. Die ander was prof. [[John Murray]], seun van ds. [[Andrew Murray sr.]] van die [[NG gemeente Graaff-Reinet]].

Ds. De Beer dien as redakteur van ''De Vereeniging'', amptelike blad van die Transvaalse Kerk, van Julie 1908 tot die blad se publikasie twee jaar later gestaak word. Onder die opskrif “Ambtsbroeders naar den hemel verhuise” verskyn daar in daardie jare ’n reeks interessante lewensketse van afgestorwe NG predikante deur hom, waarin sy keurige taal en onderhoudende skryftrant duidelik blyk. 'n Voorbeeld is dié beskrywing van ds. [[John Pears]], wat hom jare vantevore op sy eerste admissie-eksamen tot die Kweekskool voorberei het: "Ds. Pears was 'n man van grote geleerdheid. Hij wist veel van allerlei en alleman, feiten, gebeurtenissen, gezegde van sprekers, van schrijvers. Dan had hij zijne eigene opiniën over zaken en personen, meer nog over zaken dan over personen, en die opiniën waren des hoorens en des bedenkens waard. Temeer daar hij ze niet gaf alsof hij wilde zeggen 'daar aan de andere zijde van mijn muur groeit geen gras, is alles buiten de wildernis', maar liever alsof hij uw opinie over het onderhavige wilde uitlokken. Zijn stof raakte nooit op, maar ook zijne gereedschap om van u te ontvangen bleef even groot aldoor."

== Persoonlikheid ==
Volgens sy beskrywing in die ''[[Suid-Afrikaanse Biografiese Woordeboek]] Deel II'' was ds. Beer "vlug van verstand, lief vir studie, opgeruimd van geaardheid en hartlik in die sosiale omgang. Kenmerkend was sy toegewyde godsdienstige lewe en kinderlike vertroue" op die Here.

== Gesinslewe ==
Ds. De Beer se eerste vrou, Anna Flowerdew Fincham, is in November 1891, toe hulle die pastoriepaar van die [[NG gemeente Drieankerbaai]] was, oorlede. Hulle was 27 jaar lank getroud. Sy tweede huwelik is gesluit op [[5 April]] [[1893]] met Frederica Dorothea Roux, wat ná haar pa, ds. Piet Roux, se aftrede as leraar van die [[NG gemeente Smithfield]] saam met hom en die res van die gesin in [[Seepunt]] se kusweg in 'n herehuis kom woon het. Ds. De Beer het deur dié huwelik 'n oom geword van die Afrikaanse kultuurleidster en taalstryder [[Mabel Jansen]], wie se ma, Louise (getroud met Samuel Henri Pellissier), 'n suster van Frederica was. Albei ds. De Beer se huwelike was kinderloos.

== Bronne ==
* {{af}} De Kock, W.J. (tot 1970) en [[D.W. Krüger|Krüger, prof. D.W.]] (sedert 1971, hoofred.) . 1972. ''[[Suid-Afrikaanse Biografiese Woordeboek]] Deel II''. Kaapstad en Johannesburg: Tafelberg-Uitgewers.
* {{af}} Malan, Etienne G. 1980. ''Die kerk teen Seinheuwel: Drieankerbaai 1880 tot 1980''. Kaapstad: [[NG gemeente Drieankerbaai]].

{{DEFAULTSORT:De Beer, E.Z.J.}}
[[Kategorie:Geboortes in 1841]]
[[Kategorie:Predikante van die Nederduitse Gereformeerde Kerk]]
[[Kategorie:Sterftes in 1918]]
[[Kategorie:Suid-Afrikaanse predikante]]